Танд туслах хэрэглэгчийн лавлах

7777-1289 11-311131
НүүрМэдээАЖЛЫН ХЭСГИЙН УУЛЗАЛТ ЗОХИОН БАЙГУУЛЛАА

АЖЛЫН ХЭСГИЙН УУЛЗАЛТ ЗОХИОН БАЙГУУЛЛАА

Хөдөлмөр, нийгмийн хамгааллын сайдын 2022 оны А/76 тоот тушаалын дагуу Нийгмийн даатгалын тухай хууль тогтоомж болон бусад холбогдох хуулийн дагуу Даатгуулагчидад тэтгэвэр тогтоож, олгох үйл ажиллагааг хэрэгжүүлэхтэй холбогдон гарч байгаа зөрчилийг арилгах, нийгмийн даатгалын сангийн хөрөнгийг эрсдэлээс урьдчилан сэргийлэх ажлыг зохион байгуулах чиг үүрэг бүхий ажлын хэсэг 2022 оны 05 дугаар сарын 10-ны өдөр хуралдлаа.

Ажлын хэсгийн хуралд Хөдөлмөр, нийгмийн хамгааллын яамны Нийгмийн даатгалын бодлогын хэрэгжилтийг зохицуулах газар, Архивын ерөнхий газар,  Шүүхийн шинжилгээний үндэсний хүрээлэн, Нийгмийн даатгалын ерөнхий газар, Нийслэлийн нийгмийн даатгалын даатгалын газар, хэлтсийн хяналт, шалгалтын байцаагч, мэргэжилтнүүд оролцлоо.

Тус хуралд иргэний ажилсан байдалтай холбоотой архивын лавлагааны талаар Нийгмийн даатгалын ерөнхий газрын дэд дарга Г.Саран, Хяналт шалгалтын газрын дарга Д.Ганзориг нар мэдээлэл хийж, архивын лавлагааг хуурамчаар үйлдэх, засварлах, уг явдлыг таслан зогсоох, цаашид гаргахгүй байх талаар зохион байгуулалтын тодорхой арга хэмжээг боловсруулах, Нийгмийн даатгалын сангийн хөрөнгийг эрсдэлээс урьдчилан сэргийлэх талаар төлөвлөгөө гарган цаашид хамтран ажиллахаар боллоо.