2025 оны 12 сарын 5
, Баасан гараг
EN
Бүх мэдээллээс
Даатгал
Мэдээлэл
Хууль эрх зүй
Ил тод байдал
Маягт
Дэлгэрэнгүй хайлт
Танд туслах хэрэглэгчийн лавлах
7777-1289
Нүүр
Мэдээ, мэдээлэл
Видео мэдээлэл
Видео мэдээлэл
Нүүр
Мэдээ, мэдээлэл
Видео мэдээлэл
Видео мэдээлэл
Нийгмийн даатгалын байгууллага 2025 ондоо багтаан 330 суманд нийгмийн даатгалын цахим системийг нэвтрүүлж, нийгмийн даатгалын үйлчилгээг иргэд, даатгуулагч, харилцагчдад түргэн шуурхай, ил тод, нээлттэй үзүүлэх зорилт тавин ажиллаж байна. Энэ хүрээнд албан хаагчдыг нийгмийн даатгалын мэдээллийн “Sicos” системийн талаар нэгдсэн ойлголттой болгох, дадлага хийх, системийн дата мэдээллийг ашиглах, процессын шинжтэй ажлуудыг хөнгөвчлөх зорилгоор Нийгмийн даатгалын ерөнхий газар болон 21 аймаг, 9 дүүргийн албан хаагчдыг чадавхжуулах сургалтад /2025.04.28,29/ хоёр өдөр хамрууллаа.
Нийгмийн даатгалын ерөнхий хуульд зааснаар нийгмийн даатгалын сангийн орлого дараах эх үүсвэрээс бүрдэнэ. Үүнд: – Даатгуулагчийн төлсөн нийгмийн даатгалын шимтгэл; – Ажил олгогчийн төлсөн нийгмийн даатгалын шимтгэл; – Төрөөс төлсөн нийгмийн даатгалын шимтгэл; – Сангийн хөрөнгийг санхүүгийн хэрэгсэлд хөрөнгө оруулсны орлого; – Нийгмийн даатгалын шимтгэл төлөх хугацаа хэтрүүлсэн, цалин хөлс, түүнтэй адилтгах орлогын хэмжээг бууруулсан болон нуусан орлогод тооцсон алданги, торгууль; – Улсын төсвөөс олгох хөрөнгө; – Хуульд заасан бусад эх үүсвэр байна. Эдгээр орлогыг нийгмийн даатгалын дөрвөн санд төвлөрүүлэн тэтгэвэр, тэтгэмжүүд, болон бусад төрлийн зардал нөхөн олговорт олгоод тухайн жилийн зарлагад зарцуулагдаагүй үлдэж байгаа мөнгийг нийгмийн даатгалын сангийн чөлөөт үлдэгдэл гэнэ.
Нийгмийн даатгалын үндэсний зөвлөлийн 2025 оны 08 дугаар тогтоолоор арилжааны банканд байршуулсан мөнгөн хадгаламжийн хүүгийн доод хэмжээг жилийн 14.2 хувь байхаар шинэчлэн баталсан. Банкны системд нөлөө бүхий арилжааны банкуудаас сар бүр хүү олгох нөхцөлтэй, хугацаатай хадгаламжийн хэмжээ болон хүүгийн хэмжээ, хугацааны талаар саналаа ирүүлэхийг хүсэж 3 удаа албан бичиг хүргүүлэн санал авсан бөгөөд 4 банкнаас 15 хувийн хүүгээр хадгалах боломжтой гэсэн санал ирүүлээд байна.
Нийгмийн даатгалын ерөнхий хуулийн 13 дугаар зүйл, Засгийн газрын 2024 оны 254 дүгээр тогтоолоор баталсан “Нийгмийн даатгалын сангийн чөлөөт үлдэгдлийг санхүүгийн хэрэгсэлд хөрөнгө оруулах журам”-д нийгмийн даатгалын сангийн чөлөөт үлдэгдлийг найдвартай, үр өгөөжтэй, хариуцлагатай, ил тод, хараат бус байх зарчим баримтлан дараах санхүүгийн хэрэгсэлд хөрөнгө оруулж болно гэж заасан. Үүнд; Засгийн газрын үнэт цаас худалдан авах, Монголбанкны үнэт цаасны арилжаанд оролцох, Төрийн сангийн нэгдсэн дансанд байршуулах мөнгөн хадгаламж, Банкны системд нөлөө бүхий арилжааны банкуудын мөнгөн хадгаламж байршуулахаар зохицуулсан.
2024 оны 06 дугаар сарын 10-ны өдрийн 03 дугаар тогтоолоор Нийгмийн даатгалын үндэсний зөвлөлийн дэргэд орон тооны бус Олон нийтийн хяналтын зөвлөлийг долоон хүний бүрэлдэхүүнтэй байгуулсан. Олон нийтийн хяналтын зөвлөл нийгмийн даатгалын сангийн чөлөөт үлдэгдлийг найдвартай, үр өгөөжтэй санхүүгийн хэрэгсэлд хөрөнгө оруулалт хийхэд хяналт тавьж ажиллаж байна.
Нийгмийн даатгалын үндэсний зөвлөлийн 2025 оны 07 дугаар тогтоолоор арилжааны банканд байршуулах мөнгөн хөрөнгийн дээд хэмжээг 700 тэрбум төгрөгөөр, 08 дугаар тогтоолоор арилжааны банканд байршуулах мөнгөн хадгаламжийн хүүгийн доод хэмжээг жилийн 14.2 хувиар шинэчлэн баталсан.
Нийгмийн даатгалын ерөнхий хуульд нийгмийн даатгалын сангийн чөлөөт үлдэгдлийг найдвартай, үр өгөөжтэй, хариуцлагатай, ил тод хараат бус байх зарчмыг баримтлан дараах 4 чиглэлээр хөрөнгө оруулахаар хуульчилсан.
Нийгмийн даатгалын сангийн чөлөөт үлдэгдлийн үнэ цэнийг алдагдуулахгүйгээр байнга өсгөж явах ёстой.
1
2
3
4
5
6
…
18
19
20
МЭДЭЭЛЭЛ ХАРИУЦАГЧ:
Олон нийттэй харилцах мэргэжилтэн Ч.Сансарчимэг Утас:99065556
