Нийгмийн даатгалын сангаас олгох тэтгэврийн тухай хуулийн 9 дүгээр зүйлд Нийгмийн даатгалын сангаас өндөр насны тэтгэвэр авагч нас барвал түүний авч байсан тэтгэврээс 20 хувиар тооцон нөхөр эсхүл эхнэрийн өндөр насны тэтгэврийн хэмжээг нэмэгдүүлэн олгохоор заасан.

Өндөр насны тэтгэврийн тусгай зохицуулалт нь 2024 оны 1 дүгээр сарын 1-нээс хэрэгжиж эхэлсэн. Тиймээс хууль хэрэгжиж эхэлсэн өдрөөс хойш өндөр насны тэтгэвэр авагч нас барсан тохиолдолд өндөр насны тэтгэврийн тусгай зохицуулалтад хамаарагдах юм. Энэ талаар НДЕГ-ын Бодлогын хэрэгжилт, төлөвлөлтийн газрын ахлах мэргэжилтэн М.Бямбадулам TV9 телевизийн Өглөө хөтөлбөрийн “Зочны цаг” нэвтрүүлэгт ярилцлага өглөө.