Монгол Улсад орчин цагийн санхүүгийн алба үүсч хөгжсөний 114 жил, Мэргэшсэн нягтлан бодогч бэлтгэсний 32 жил, Бүртгэл санхүү, эдийн засгийн ажилтны баярыг угтан Монголын Мэргэшсэн Нягтлан Бодогчдын Институтээс 2025 оны нягтлан бодох бүртгэл, санхүүгийн оны шилдгүүдээ шалгарууллаа.

2025 оны шилдэг санхүүчдийг Сангийн яам, Татварын ерөнхий газар, Нийгмийн даатгалын ерөнхий газар, Монголын мэргэшсэн үнэлгээчдийн институт зэрэг мэргэжлийн байгууллагууд хамтран 10 номинациар шалгаруулж, Нийгмийн даатгалын шилдэг санхүүчээр  Дорнод аймгийн Нийгмийн даатгалын газрын Санхүү бүртгэл хамралт, орлогын хэлтсийн дарга, ахлах нягтлан бодогч Бямбаагийн Болортуяа шалгарлаа.

Нийгмийн даатгалын салбарынхаа шилдэг санхүүчээр шалгарсан  Ахлах нягтлан бодогч Бямбаагийн Болортуяа танд баяр хүргэж, ажлын амжилт хүсье.