Даргын мэндчилгээ
Нийгмийн даатгалын шимтгэл төлөгч иргэн танд Монгол Улсын нийгмийн даатгалын байгууллагыг танилцуулан мэндчилж байгаадаа баяртай байна.
Манай байгууллагын цахим хуудас нь нийгмийн даатгалын тогтолцоо, бүтэц, зохион байгуулалт болон нийгмийн хамгааллын талаар төрөөс хэрэгжүүлж буй бодлого, нийгмийн даатгалын үйл ажиллагаа, тэдгээрийн хамрах хүрээ, түүний хэрэгжилт, өнөөгийн байдлын талаар холбогдох хууль тогтоомж, дүрэм журам, мэдээ мэдээлэлтэй танилцах боломжийг танд нээж өгч байгаа юм.
Нийгмийн даатгалын байгууллага төрийн бодлогыг хэрэгжүүлэхдээ түргэн шуурхай, нээлттэй, ил тод байх зарчмыг баримтлан иргэд, даатгуулагчидтай идэвхтэй харилцаатай байж, үйл ажиллагаагаа хуулийн хүрээнд хэрэгжүүлэн, нийгмийн даатгалын тогтолцоог бэхжүүлэн, хамрах хүрээгээ өргөтгөхөд таны дэмжлэг туслалцаа, санал бодол, зөвлөгөө нэн чухал тул таныг манай цахим хуудасны байнгын зочин төдийгүй бидний эрхэм түнш, дотны зөвлөх болохыг хүсэж байна.
Манай байгууллагын цахим хуудсанд зочилсонд тань талархахын хамт Нийгмийн даатгалын ерөнхий газрын хамт олны нэрийн өмнөөс болон хувиасаа хамгийн сайн сайхан бүхнийг хүсэн ерөөе
Нийгмийн даатгалын ерөнхий газрын дарга Ч.Алтанхуяг