Эмнэлэг хөдөлмөрийн магадлах төв комисс

ЗОРИЛГО:

Даатгалтай иргэдийн өвчин эмгэгийн байдал, анатоми, морфологи, үйл ажиллагааны өөрчлөлт, алдагдал, бие махбодь, мэдрэлийн системийн онцлог, хөдөлмөрийн нөхцлийг нарийвчлан судалж, өвчний явцын байдалд үнэлэлт дүгнэлт өгсний үндсэн дээр хөдөлмөрийн чадвар алдалтын хувь буюу тэдний эрүүл мэндэд тохирсон хөдөлмөрийн нөхцөл, ажил мэргэжлийн чиглэлийг тогтооход оршино.

ЗОРИЛТ:

Үйл ажиллагааны зорилтын хүрээнд Эмнэлэг хөдөлмөрийн магадлалын холбогдолтой хууль, дүрэм, тушаал, шийдвэрийн хэрэгжилтийг хангах, бүртгэл мэдээллээр хяналт тавих, магадлалын ажлыг явуулах комиссын гишүүдийн хариуцлагыг өндөржүүлэх, чадавхижуулах, орон нутгийн комиссын ажлыг мэргэжил, арга зүйн удирдлагаар хангах, магадлалын асуудлаар бодлого боловсруулах  чиг үүргийг хэрэгжүүлнэ.

1. Даатгуулагчийн хөдөлмөрийн чадвар алдалтын шалтгаан, нөхцөл, хувь, хугацаанд хяналт тавих, орон нутгийн эмнэлэг хөдөлмөрийн магадлах комиссын тайлан мэдээг нэгтгэн дүгнэлт гаргах, орон нутгийн комиссыг мэргэжил, арга зүйн удирдлагаар хангах, эмнэлэг хөдөлмөрийн магадлалын талаар гарсан маргааныг хянан шийдвэрлэх, даатгуулагчдын хөдөлмөрийн чадвар алдалтын хувь, хугацааг дахин магадлах.
2. Даатгуулагчийн хөдөлмөрийн чадвар алдсан шалтгаан, нөхцөл, хувь хэмжээ, хугацаанд хяналт тавих, эмнэлэг хөдөлмөрийн магадлалын ажлыг удирдлага арга зүйгээр хангаж, шалган зааварчлах
3. Эмнэлэг хөдөлмөрийн магадлах орон нутгийн комиссын тайланг нэгтгэн судалгаа, дүгнэлт гаргах
4. Магадлалын асуудлаар судалгаа, шинжилгээ хийх, шаардлагатай асуудлаар  санал, бодлого боловсруулах, холбогдох байгууллагад хүргүүлэн шийдвэрлүүлэх
5.  Удирдлагыг  мэдээлэлээр хангах
6. Эмнэлэг хөдөлмөрийн магадлалын холбогдолтой хууль, дүрэм, заавар, журам, жагсаалтыг хэрэгжүүлэхэд орон нутгийн комиссын үйл ажиллагааг чиглүүлэх, удирдан зохион байгуулах
7. Эмнэлэг хөдөлмөрийн магадлах комиссын гишүүдийн хариуцлагыг сайжруулахад хяналт шалгалтын ажлыг чиглүүлэн зохион байгуулах
8. Эмнэлэг хөдөлмөрийн магадлагааны талаар гарсан маргаантай асуудлыг хянан шийдвэрлэх
9. Эмнэлэг хөдөлмөрийн магадлах комиссын үйл ажиллагаанд хяналт тавьж, түүний ажлын арга хэлбэрийг боловсронгуй болгох
10. Аймаг, дүүргийн комиссын гаргасан шийдвэр буруу байвал өөрчлөх, хүчингүй болгох, эмнэлэг хөдөлмөрийн магадлагаа хийх үйл ажиллагаанд алдаа дутагдал гаргасан, төрийн албан хаагчийн болон эмнэлгийн ажилтаны ёс зүйн хэм хэмжээг зөрчсөн комиссын дарга, гишүүнд захиргааны хариуцлага хүлээлгэх, өөрчлөх талаар холбогдох албан тушаалтанд санал тавих
11. Аймаг дүүргийн эмнэлэг хөдөлмөрийн магадлах комиссын бүрэлдэхүүнийг Улсын Нийгмийн даатгалын ерөнхий газрын дарга, аймаг дүүргийн Засаг даргатай зөвшилцсөний дагуу томилуулах

 Бүтэц, ажилтнуудын мэдээлэл: