Эрүүл мэндийн даатгалын хяналт, санхүүжилтийн газар

Үйл ажиллагааны чиглэл:

Нэг. Нийтлэг үндэслэл

Иргэний эрүүл мэндийн даатгалын тухай хууль, заавар түүнийг хэрэгжүүлэхтэй холбогдон гарсан тогтоол, шийдвэрийн биелэлтийг хангуулах, эрүүл мэндийн даатгалын сангийн бүрдэлт, зарцуулалтанд болон даатгуулагч, даатгагч, эмнэлгийн байгууллагуудын хоорондын төлбөр, тооцоо эмчилгээ үйлчилгээний чанарт төрийн захиргааны хяналт тавих, даатгуулагчийн эрх ашгийг хамгаалан ажиллахад оршино.

Бүтэц, ажилтнуудын мэдээлэл:



Эрхлэх асуудал:

Хоёр. Эрүүл мэндийн даатгалын хяналт, санхүүжилтын талаар

2.1.   Үйл ажиллагааны зорилтын хүрээнд эрүүл мэндийн даатгалын бодлогыг хэрэгжүүлэх, сангийн төлөвлөлт, хуваарилалт, бүртгэл хяналт зохицуулалтыг хийж, эмнэлгийн тусламж, үйлчилгээний чанарт тавих хяналтын чадавхыг сайжруулах, орон нутгийн эрүүл мэндийн даатгалын ажлыг мэргэжлийн удирдлагаар хангаж дэмжлэг үзүүлэхэд дараах чиг үүргийг хэрэгжүүлнэ. Үүнд:
         2.1.1.  Эрүүл мэндийн даатгалын тухай хууль тогтоомжийн биелэлтийг зохион байгуулах, сурталчлах, даатгуулагчийг шаардлагатай мэдээллээр хангах;
        2.1.2.  Эрүүл мэндийн даатгалын үйлчилгээг эрүүл мэндийн тусламжийн шинэчлэл, эрүүл мэндийн салбарын бодлого, санхүүжилттэй уялдуулан зохион байгуулах;
        2.1.3.  Эрүүл мэндийн даатгалын болон тусламж, үйлчилгээний мэдээллийн зохистой тогтолцоог бий болгох чиглэлээр мэдээллийн нэгдсэн санг бүрдүүлж удирдлагын мэдээллийн нэгдсэн тогтолцоог нэвтрүүлэх;
       2.1.4.  Эрүүл мэндийн даатгалын санг бүрдүүлэх, орлого, зарлагын гүйцэтгэлийг хангах, үйл ажиллагаагаа даатгалын зөвлөлд тайлагнах;
     2.1.5.  Малчин, оюутан, суралцагсад, аж ахуйн нэгжийн эзэн, хувиараа хөдөлмөр эрхлэгчийг заавал даатгуулах, гэрээ байгуулах, дүгнэх, шимтгэл төлөлтийн тооцоо хийх, тайлан тэнцлийг хүлээн авч нэгтгэх, мэдээллийн санг бүрдүүлэх;
       2.1.6.  Төрөөс шимтгэлийг нь хариуцдаг иргэдийн шилжилт хөдөлгөөн, шимтгэл ноогдуулалтын тайлан мэдээг нэгтгэж мэдээллийн санг бүрдүүлэх;
     2.1.7.  Эрүүл мэндийн даатгалын сангийн орлого, зарлагын бүртгэл тооцоо анхан шатны болон нягтлан бодох бүртгэлийн мэдээллийн бүрдүүлэлтийг хангах, хяналт тавих;
       2.1.8.  Эрүүл мэндийн тусламж үйлчилгээ үзүүлэх байгууллагатай даатгалын гэрээ байгуулах, гэрээний биелэлтэнд хяналт тавьж, дүгнэх;
       2.1.9.  Гэрээнд заасан тусламж үйлчилгээний нэр төрөл, төлбөрийн хэмжээг үндэслэн урьдчилан санхүүжүүлж, гүйцэтгэлээр тооцох чиглэлийг баримтлах;
     2.1.10.  Өвчин эмгэгийн оношлогоо, эмчилгээний удирдамжийн дагуу даатгуулагчид үзүүлэх эрүүл мэндийн даатгалын тусламж, үйлчилгээний чанарт хяналт тавих;
         2.1.11.  Эрүүл мэндийн даатгалын тусламж, үйлчилгээний чанар хүртээмж, тэгш байдал,үр дүнг сайжруулахад хяналтыг чиглүүлэх;
         2.1.12.  Эмнэлгийн тусламж үйлчилгээний чанарт тавих хяналтанд иргэний нийгэм, төрийн бус байгууллагуудын оролцоог нэмэгдүүлэх;
         2.1.13.  Эрүүл мэндийн даатгалын тусламж, үйлчилгээг санхүүжүүлэх;
         2.1.14.  Оношлогоо эмчилгээний удирдамжийн дагуу чанартай тусламж үйлчилгээг санхүүжүүлэх;
       2.1.15.  Эрүүл мэндийн санхүүжилтын нийт үр дүнд эрүүл мэндийн даатгалын сангийн орлогын хэмжээг нэмэгдүүлэх замаар эрүүл мэндийн тусламж, үйлчилгээний санхүүгийн найдвартай эх үүсвэрийг бий болгох;
2.2.   Эрүүл мэндийн даатгалын сангаас санхүүжүүлэх тусламж үйлчилгээтэй холбоотой асуудлаар санал боловсруулж, холбогдох төрийн захиргааны төв байгууллагад хүргүүлэх;
2.3.   Эрүүл мэндийн даатгалын сангийн тодорхой хувийг болзошгүй эрсдлийн нөөцөд үлдээх болон сангийн хэмнэгдсэн үлдэгдлийг зарцуулах, эрүүл мэндийн байгууллагад тусламж, үйлчилгээний чанар үр дүнг харгалзан санхүүжилтын хэмжээг нэмэгдүүлэх, даатгуулагчид урамшуулал олгох асуудлыг судлан шийдвэрлэх;
2.4.   Эрүүл мэндийн даатгалд хамрагсадын тоог нэмэгдүүлэх, даатгуулагч нэг бүрийн бүртгэл тооцоонд хяналт тавих тэдэнд гэрчилгээ олгуулах ажлыг зохион байгуулах;
2.5.   Эрүүл мэндийн даатгалын сангийн орлого, зардлыг төв, орон нутгийн нийгмийн даатгалын болон эрүүл мэндийн байгууллагын саналыг үндэслэн зохистойгоор төлөвлөх, хуваарилах, шаардлагатай үед хөрөнгийг төвлөрүүлэн дахин хуваарилах арга хэмжээг зохицуулан удирдах;
2.6.   Эрүүл мэндийн даатгалын үйл ажиллагаанд хөтлөгдөх маягт, бүртгэлийн загварыг боловсруулан батлуулж мөрдүүлэх.