Тамгын газар

Үйл ажиллагааны чиглэл:

Нэг. Нийтлэг үндэслэл

Байгууллагын эрхэм зорилго, алсын хараа, стратегийн зорилтуудыг хангахуйц мэдлэг чадвар бүхий ажиллах хүчний өнөөгийн нөөц болон ирээдүйд шаардагдах нөөцийн хэрэгцээг тодорхойлж, тэдгээрийн тогтвор суурьшилтай ажиллах нөхцөл, нийгмийн баталгааг хангах бодлогыг хэрэгжүүлж, ажиллах хүчинд дутагдаж буй мэдлэг чадварыг бий болгох замаар байгууллагын хөгжлийг хангах, нийгмийн даатгалын шинэтгэлийн бодлогыг эрчимжүүлэх таатай орчныг бүрдүүлэх, нийгмийн даатгалын талаар хэвлэл мэдээлийн хэрэгслээр өргөнөөр сурталчлах, олон нийтэд эерэг мэдээлэл түгээх, нийгмийн даатгалд даатгуулахын ач холбогдлыг ажил олгогч, даатгуулагч иргэдэд ойлгуулах, тайлбарлан таниулах, даатгалд хамрагдах хүрээг өргөжүүлэх, нийгмийн даатгалын ажилтнуудын мэргэжлийг дээшлүүлэх, мэргэшүүлэх чиглэлээр сургалтыг зохион байгуулах, түүнчлэн Ерөнхий газрын газар, хэлтэс болон аймаг, нийслэлийн нийгмийн даатгалын хэлтэс/ газар/-ийн хоорондын үйл ажиллагааг уялдуулан зохицуулахад газрын үйл ажиллагааны гол зорилго оршино.

Бүтэц, ажилтнуудын мэдээлэл:

Эрхлэх асуудал:

Хоёр. Хүний нөөц, бүртгэл судалгааны талаар

2.1.   Монгол Улсын Төрийн албаны тухай хууль, Төсвийн байгууллагын удирдлага, санхүүжилтын тухай хууль, тэдгээрийг хэрэгжүүлэхтэй холбогдуулан Засгийн газар, Төрийн албаны зөвлөлөөс батлан гаргасан заавар, журам болон байгууллагын үйл ажиллагааны стратеги төлөвлөгөөтэй уялдуулан “Хүний нөөцийн төлөвлөлт”-ийг боловсруулан хэрэгжүүлж ажиллана. Хүний нөөцийн төлөвлөлтийн хүрээнд: Улсын нийгмийн даатгалын ерөнхий газрын болон орон нутгийн нийгмийн даатгалын байгууллагуудын хүний нөөцийн талаарх шаардлагатай мэдээ, судалгаа гаргах, бүртгэл хөтлөх, үнэлгээ дүгнэлт хийх, авч хэрэгжүүлэх арга хэмжээний талаар санал боловсруулах;
2.2.   Хүний нөөцийн нийлүүлэлт, ажилтан авч ажиллуулах, албан тушаал дэвших, буурах, шагнаж урамшуулах, сургаж хөгжүүлэх, ажиллах нөхцөлийг сайжруулах, ёс зүйн үнэт зүйлсийг хэвшүүлэх, байгууллага хамт олны дотоод уур амьсгалыг эерэгшүүлэхэд чиглэсэн бодлогыг хэрэгжүүлэх;
2.3.   Төрийн албан хаагчдын бүрэлдэхүүн, хөдөлгөөний тайланг гаргаж, Төрийн албаны зөвлөл болон шаардлагатай газруудад хүргүүлэх;
2.4.   Төрийн албан хаагчдын үр дүнгийн гэрээ болон хөдөлмөрийн гэрээ байгуулах, гэрээний биелэлт, үр дүнг тооцох ажлын биелэлтийг гаргах;
2.5.   Ажилтан, албан хаагчдын ажлын цаг ашиглалтанд хяналт тавих, цагийн балансыг гаргах, холбогдох мэдээллээр удирдлагыг хангах;
2.6.   Төрийн албан хаагчдын хувийн хэрэг, тоо бүртгэлийг холбогдох хууль тогтоомжийн дагуу хөтлөх, хадгалах, хамгаалах, баяжуулах;
2.7.   Төрийн албан хаагчдын хөрөнгө орлогын мэдүүлгийг хуулийн хугацаанд гаргуулан, холбогдох байгууллагад хүргэх;
2.8.   Ажилтан албан хаагчдын өргөдөл хүсэлтийн дагуу тусламж дэмжлэг, амралтын чөлөө болон бусад чөлөөг холбогдох хуулийн дагуу олгох саналыг боловсруулах, шийдвэрлүүлэх;
2.9.   Байгууллагаас өндөр насны тэтгэвэрт гарсан ахмадуудад тусламж, дэмжлэг олгох, хүндэтгэл үзүүлэх ажлыг хариуцан зохион байгуулах;
2.10. Төрийн албан хаагчдын үйл ажиллагаа, үр дүн, мэргэшлийн түвшинг дээшлүүлэх, мэргэжлийн зэрэг олгох, нэмэгдүүлэх талаар санал боловсруулж шийдвэрлүүлэх;
2.11. Төрийн албан хаагчийн ёс зүйн журам болон харилцааны ёс зүйг баримтлах, харилцагчдад хөнгөн шуурхай үйлчлэх талаар материал бэлтгэх, тараах;
2.12. Нийгмийн даатгалын төв, орон нутгийн байгууллагын ажлын үр дүнгийн гэрээ байгуулах, хэрэгжилтийг хангуулах;
2.13. Нийгмийн даатгалын төв, орон нутгийн бүтэц, зохион байгуулалтыг боловсронгуй болгох санал боловсруулах;
2.14. Мэргэжлийн комисс томилж байцаагч, ажилтнуудаас мэргэжлийн шалгалт авч нийгмийн даатгалын улсын байцаагчийн эрх олгуулах ажлыг зохион байгуулах.

Гурав. Сургалт, мэдлэг чадвар бий болгох талаар

3.1.Төрийн захиргааны албан хаагчдын сургалтын хэрэгцээг тодорхойлох, сургалтын хөтөлбөр, төлөвлөгөө боловсруулах, сургалтын үнэлгээ зэрэг хүчин зүйлүүдийг зөв зохистой төлөвлөн биелэлтийг хангаж, хувь хүний мэдлэг чадварыг байгууллагын туршлага, чадавхи болгон төлөвшүүлж Улсын нийгмийн даатгалын ерөнхий газар болон орон нутгийн нийгмийн даатгалын байгууллагуудыг “Суралцагч байгууллага” болгон хөгжүүлнэ;
3.2.   Улсын нийгмийн даатгалын ерөнхий газрын болон орон нутгийн нийгмийн даатгалын байгууллагуудын удирдлага, ажилтан албан хаагчдын сургалтын хэрэгцээг тодорхойлох судалгаа авч, тэдгээрийг сургаж хөгжүүлэх хөтөлбөр боловсруулж, үйл ажиллагаандаа хэрэгжүүлэх. Үүнд:
         3.2.1.     Гадаад сургалт;
         3.2.2.     Дотоодын сургалт;
         3.2.3.     Ажлын байран дахь сургалт;
3.3.   Байгууллагын хэрэгцээнд тулгуурлан, боломжтой нөөцөндөө тохируулж мэргэшүүлэх, давтан сургах сургалтыг төрөлжүүлэн зохион байгуулах;
3.4.   Улсын нийгмийн даатгалын ерөнхий газар болон орон нутгийн нийгмийн даатгалын байгууллагууд өөрийн дотоод нөөцийг ашиглан ажлын байран дээрх сургалтыг хамтран ажиллагч, мэргэжилтнүүдийн оролцоотойгоор зохион байгуулах;
3.5.   Төрийн албан хаагчдыг ажлаас нь бүрэн болон хагас чөлөөлж, эсвэл ажиллахын зэрэгцээ сурах боломжийг бүрдүүлэх;
3.6.   Сургалт семинарт зориулсан гарын авлага материалыг бэлтгэх, хэвлүүлэх;
3.7.   Ажилтан албан хаагчдын мэдлэг, мэргэшлийг дээшлүүлэх зорилгоор гадаад, дотоодын их дээд, сургуультай хамтран ажиллах, боломжийг бүрдүүлэх;
3.8.   Төрийн албан хаагчдыг авлигын эсрэг сургалтанд хамруулах, гарын авлага материалаар хангах;
3.9.   Ажиллагсдын албан хэрэг хөтлөлтийн стандартыг хэрэгжүүлэх болон баримт бичиг боловсруулах чадварыг дээшлүүлэх зорилгоор богино хугацааны сургалт зохион байгуулах;
3.10. Нийгмийн даатгалын “Сургагч багш” нарыг бэлтгэн орон нутагт сургалт зохион байгуулах боломжийг бүрдүүлэх;
3.11. Аж ахуйн нэгж, байгууллагын удирдлагад зориулсан сургалтын төлөвлөгөө гарган, зохион байгуулах;
3.12. Нийгмийн даатгалын тухай хууль, тогтоомжийн талаар иргэд, даатгуулагчдад зориулсан сургалтыг төрийн болон Төрийн бус байгууллагуудтай хамтран зохион байгуулах.

Дөрөв. Мэдээлэл түгээх талаар

4.1.   Байгууллагын удирдлагаас тавьсан зорилтын хүрээнд мэдээлэл, сурталчилгаа, PR-ын үйл ажиллагааны стратегийн болон тодорхой төлөвлөгөөг гаргаж хэрэгжүүлэх;
4.2.   Байгууллагын үйл ажиллагааны тухай шинэ мэдээ мэдээлэл олж авах зорилгоор дотоод бүтцийн нэгжүүдийн удирдлага болон аймаг, нийслэлийн хэлтэсүүдтэй шуурхай холбоо тогтоох;
4.3.   Олж авсан мэдээллээ боловсруулж, хэвлэл мэдээллийн хэрэгслүүдэд зориулсан мэдээ, материал бэлтгэх;
4.4.   Өдөр тутмын болон чөлөөт хэвлэл, интернэтийн сайтуудад байгууллагын үйл ажиллагааны талаар нийтлэгдсэн мэдээ материалуудын үнэн зөв эсэхэд хяналт тавих;
4.5.   Нийгмийн даатгалын тухай багц хуулиуд, түүний ач холбогдлыг иргэд, аж ахуйн нэгж, байгууллагуудын ажилтнуудад сурталчлах зорилгоор теле болон радио нэвтрүүлэг бэлтгэх;
4.6.   Төв, орон нутгийн нийгмийн даатгалын сургалт, судалгааны ажилтнуудыг мэдээлэл, сурталчилгаагаар хангах;
4.7.   Нийгмийн даатгалын ажилтан албан хаагч, харилцагч аж ахуйн нэгж байгууллага, иргэдэд зориулсан төрөлжсөн гарын авлага, танилцуулга, зурагт хуудас бэлтгэх;
4.8.   Тухайн салбарт хамааралтай тэмдэглэлт өдрүүдэд зориулсан сурталчилгааны үйл ажиллагааг шинэ хэлбэрээр зохион байгуулах.
 
Тав. Сурталчилгааны талаар

5.1.   Байгууллага болон системийн үйл ажиллагаатай холбоотой цэвэр сурталчилгааны материал бэлтгэж сонин хэвлэлд нийтлүүлэх;
5.2.   Радио, телевизэд зориулсан сурталчилгааны богино хэмжээний ролик бэлтгэх;
5.3.   Сурталчилгааны зориулалттай ном, товхимол, гарын авлага, зурагт хуудас хэвлүүлэх;
5.4.   Тэмдэглэлт өдрүүдээр байгууллагын үйл ажиллагааг сурталчилах зорилгоор реклам, сурталчилгаа, мэндчилгээ дурсамж нийтлүүлэх;
5.5.   Байгууллагын түүхийг бичиж үлдээх, ном товхимол бүтээх;
5.6.   Байгууллагын түүхийг харуулсан музей байгуулах эх суурийг тавих;
5.7.   Байгууллагын болон удирдлагуудын нэр төрд санаатай халдах, үйл ажиллагааг мушгин гуйвуулах явдал гарах тохиолдолд хариу арга хэмжээ авч PR ажиллагааг тодорхой төлөвлөгөөтэй өрнүүлэх;
5.8.   Нийгмийн даатгалтай холбоотой асуудлаар олон нийтийн дунд тандалт судалгаа явуулж гарсан үр дүнтэй холбогдуулан арга хэмжээ авах;
5.9.   Байгууллагын үйл ажиллагаанд ямар нэг байдлаар хамаарах нийгэм, улс төрийн явцад анализ дүгнэлт хийх, улмаар урьдчилан сэргийлэх, хамгаалалт, хаалт хийх арга хэмжээ авах.

Зургаа. Бусад ажлын талаар

6.1.   Улсын Их Хурал,Засгийн газар, яам болон бусад удирдах дээд байгууллагын тогтоол, шийдвэрийн биелэлт болон тус газар, орон нутгийн нийгмийн даатгалын байгууллагуудад ирсэн албан бичиг, өргөдөл гомдлын шийдвэрлэлтэд хяналт тавих бөгөөд цаг үеийн шаардлагатай мэдээллийг шуурхай зохион байгуулж ажиллах;
6.2.   Агентлагийн нийтээр дагаж мөрдүүлэх шийдвэрийг гаргаж түүний хэрэгжилтийг хангуулах, салбарын хэмжээнд мөрдөгдөх хууль тогтоомжийн мэдээллийн санг бий болгох;
6.3.   Улсын нийгмийн даатгалын ерөнхий газраас бусад байгууллага, иргэдтэй байгуулах гэрээ, хэлэлцээрийн хууль эрх зүйн үндэслэлийг хянан баталгаажуулж байх;
6.4.   Салбарын хэмжээнд нийгмийн даатгалын ажилтнуудыг авлига, гэмт хэргээс урьдчилан сэргийлэх ажлыг зохион байгуулж үр дүнг тооцож ажиллах;
6.5.   Нийгмийн даатгалын ажилтнуудыг дүрэмт хувцасаар хангах арга хэмжээг 2 жил тутамд зохион байгуулж хэрэгжүүлэх;
6.6.   Архивын хууль, холбогдох дүрэм, журам, заавар, албан хэрэг хөтлөлтийн заавар стандартын хэрэгжилт болон архив, албан хэрэг хөтлөлтийн ажлыг салбарын хэмжээнд хянан шалгах, мэргэжил, арга зүйн удирдлагаар хангах, архивын баримт бичгийн эргэлт, хадгалалт, хамгаалалт, боловсруулалтыг сайжруулах;
6.7.   Нийгмийн даатгалын байгууллагуудын үйл ажиллагаанд шаардагдах маягт, дэвтэр, үнэт цаасыг хэвлүүлж орон нутагт хүргүүлэх;
6.8.   Ажилтнуудын гадаад болон орон нутагт ажиллах томилолтын зардал, унааны асуудлыг зохих хууль тогтоомжийн дагуу зохицуулан шийдвэрлэж байх;
6.9.   Нийгмийн даатгалын ерөнхий газрын хэвийн үйл ажиллагааг хангах зорилгоор ашиглагдаж буй автомашины засвар үйлчилгээг цаг тухайд нь гүйцэтгүүлэн техникийн аюулгүй байдлыг хангуулж ажил үйлчилгээнд бэлэн байлгах арга хэмжээг авч ажиллах;
6.10. Нийгмийн даатгалын ерөнхий газрын барилгын ашиглалт болон байрны цахилгаан, дулаан, усан хангамж, холбооны зэрэг үйлчилгээний холбогдох байгууллагуудтай аж ахуйн гэрээ байгуулан төлбөр тооцоог хугацаанд нь хийж тухайн байгууллагатай байгуулсан гэрээг дүгнэж ажил үйлчилгээний чанар, гэрээгээр хүлээсэн үүргийн биелэлтэд хяналт тавьж ажиллах;
6.11. Үйлчлэгч нарыг цэвэрлэгээний материалаар хангаж, албан тасалгааны цэвэрлэгээний чанарт болон ажилтнуудын ажлын цаг ашиглалт мөн жижүүр, харуул хамгаалалтын ажилд хяналт тавьж ажиллах.