Санхүү бүртгэл, хуримтлалын сангийн газар

Үйл ажиллагааны чиглэл:

Нэг. Нийтлэг үндэслэл

Нийгмийн даатгалын тухай, Нягтлан бодох бүртгэлийн тухай хууль тогтоомжийг хэрэгжүүлэн олон улсын стандартад нийцсэн нийгмийн даатгалын сангийн нягтлан бодох бүртгэлийн бодлогын баримт бичиг болон бусад холбогдох журам, зааврыг боловсруулан батлуулж, мөрдүүлэх, сангийн орлого, зарлага, төсвийн гүйцэтгэл, өмч хөрөнгөнд бүртгэлээр хяналт тавих, батлагдсан төлөвлөгөөний дагуу хөрөнгө төвлөрүүлж, тэтгэвэр, тэтгэмж, төлбөр, үйл ажиллагааны санхүүжилт олгох, хөрөнгө оруулалтын сонгон шалгаруулалтын ажлыг зохион байгуулах, санхүүгийн тайланг хуулийн хугацаанд гаргаж, удирдлагын хэрэглүүр болгох, салбарын хэмжээнд санхүү, нягтлан бодох бүртгэлийн мэргэжил, арга зүйн удирдлагаар төв, орон нутгийн байгууллагуудыг хангаж ажиллана.

Бүтэц, ажилтнуудын мэдээлэл:

Эрхлэх асуудал:

Хоёр. Анхан шатны болон нягтлан бодох бүртгэлийн хөтлөлт, санхүүгийн тайлан тэнцэл гаргалтын талаар

2.1.   Нягтлан бодох бүртгэлийн бодлогын баримт бичиг түүнтэй холбогдох журам, зааврыг боловсруулан батлуулж, мөрдүүлэх ажлыг зохион байгуулах;
2.2.   Анхан шатны болон нягтлан бодох бүртгэл, санхүүгийн тайлангийн маягт загваруудыг боловсруулан батлуулж, хөтлөх, тайлагнах аргачлалаар хангах;
2.3.   Бүртгэл хөтлөх, санхүүгийн тайлан гаргах ажлыг зохион байгуулж,хэрэгжилтэнд хяналт тавих;
2.4.   Нийгмийн даатгалын сангийн болон үйл ажиллагааны санхүүгийн тайланг хуулийн хугацаанд гаргаж, тушаах;
2.5.   Санхүүгийн тайланд аудит хийлгэн баталгаажуулах;
2.6.   Сар бүрийн статистик мэдээг холбогдох байгууллагуудад тогтоосон хугацаанд хүргүүлэх;
2.7.Сангийн орлого, зарлага, төсвийн гүйцэтгэл, өмч хөрөнгөнд бүртгэлээр хяналт тавьж, удирдлагын хэрэгслэл болгох ажлыг зохион байгуулах;
2.8.   Нийгмийн даатгалын сангийн болон байгууллагын үл хөдлөх, хөдлөх хөрөнгийн тооллого хийлгэж тооцоо бодож данс бүртгэлд тусгах;
2.9.   Санхүү, бүртгэлийн чиглэлээр хийгдсэн шалгалтаар өгөгдсөн зөвлөмж, үүрэг даалгаврыг хэрэгжүүлэх ажлыг зохион байгуулж, ажиллах.

Гурав. Сангийн орлого, зарлагын талаар

3.1.   Төлбөр тооцоог шуурхай гүйцэтгэх талаар Төрийн сан болон арилжааны банкууд бусад холбогдох байгууллагуудтай хамтран ажиллах;
3.2.   Даатгалын хамрах хүрээг өргөтгөх, сангийн орлогыг цаг хугацаанд нь хуримтлуулах ажил зохион байгуулах;
3.3.   Нийгмийн даатгалын сангийн чөлөөт үлдэгдлийг банк, санхүүгийн байгууллагад хадгалуулсны хүүгийн тооцоог хийж авах;
3.4.   Нийгмийн даатгалын шимтгэлийн өрөнд авсан бараа, бүтээгдэхүүнийг худалдан борлуулах, дахин үнэлүүлэх, дуудлага худалдаа зарлах, зохион байгуулах,
3.5.   Нийгмийн даатгалын шимтгэлийн өрөнд авсан барилга, байгууламжийг худалдах, түрээслэх, орлогын тооцоог хийх;
3.6.   Өр авлага барагдуулах ажлыг холбогдох газруудтай хамтран зохион байгуулах;
3.7.   Тэтгэвэр, тэтгэмж, төлбөрийг хуульд заасан нөхцөл болзлын дагуу хугацаанд нь олгуулах ажлыг зохион байгуулах;
3.8.   Үйл ажиллагааны зардлын болон хөрөнгө оруулалтын санхүүжилтийг батлагдсан хуваарийн дагуу олгох;
3.9.   Хөрөнгө оруулалтын ажлын төлөвлөгөөг боловсруулан сонгон шалгаруулалтыг зохион байгуулах;
3.10. Гадаад улс оронд ажиллаж байгаа Монгол улсын иргэдийг даатгалд хамруулах ажлыг зохион байгуулах;
3.11. Солонгост улсад гэрээгээр ажиллаж байгаа монгол иргэнийг тэтгэвэрийн даатгалд хамруулах, сертификат олгох, нийгмийн даатгалын дэвтэр нээх, гэрээ байгуулах ажлыг Гадаадад ажиллах хүч илгээх үйл ажиллагаа эрхлэх зөвшөөрөлтэй аж ахуйн нэгж, байгууллага, тэдгээрийн төлөөлөгчийн газартай хамтран зохион байгуулж хэрэгжүүлэх;
3.12. Гадаадад гэрээгээр ажиллахаар шинээр явах иргэдийг Монгол улсад байх хугацаанд нь тэтгэвэрийн даатгалд хамрагдах сургалт хийх, шимтгэлийг хэрхэн төлөх тухай гэрээ байгуулж, сертификат олгох, нийгмийн даатгалын дэвтэр нээх, бүртгэл хөтөлж баталгаажуулах арга хэмжээ авч ажиллах.