Гадаад харилцааны хэлтэс

Үйл ажиллагааны чиглэл:

Нэг. Нийтлэг үндэслэл

Улсын нийгмийн даатгалын ерөнхий газрын Гадаад харилцааны хэлтсийн үйл ажиллагааны үндсэн чиг үүрэг нь Нийгмийн даатгалын байгууллагын гадаад харилцаа, хамтын ажиллагааг шинээр тогтоох, өргөжүүлэх, бэхжүүлэх, Олон улсын байгууллага, гадаад улсын нийгмийн даатгалын болон адил төстэй үйл ажиллагаа явуулдаг байгууллагатай хамтран ажиллах, төсөл хөтөлбөр хэрэгжүүлэх, гадаад улс оронд хөдөлмөр эрхэлж буй монгол иргэдийг нийгмийн даатгалд хамруулах асуудлыг судлах, Засгийн газар хоорондын гэрээ, хэлэлцээрийн төсөл боловсруулах, Монгол Улсад хөдөлмөр эрхэлж буй гадаад иргэдийг нийгмийн даатгалд хамруулах ажлыг зохион байгуулах, Нийгмийн даатгалын байгууллагын албан хаагчдыг гадаад улс оронд сургах, мэргэжил дээшлүүлэх, туршлага солилцох ажлыг холбогдох газар, хэлтэс, байгууллагатай хамтран зохион байгуулахад оршино.

Бүтэц, ажилтнуудын мэдээлэл:

Эрхлэх асуудал

Хоёр. Гэрээ, хэлэлцээрийн талаар

2.1.   Нийгмийн даатгалын байгууллагын хамтын ажиллагаа, гадаад харилцааны өнөөгийн байдалд дүн шинжилгээ хийж, ойрын болон хэтийн хугацааны төлөвлөгөө, зорилтыг тодорхойлох;
2.2.   Гадаад улс оронд хөдөлмөр эрхэлж буй Монгол Улсын иргэдийг нийгмийн даатгалд хамруулахтай холбоотой Засгийн газар хооронд гэрээ, хэлэлцээр байгуулах асуудлыг судлах, холбогдох байгууллагатай хамтран ажиллах, санал, төсөл боловсруулах;
2.3.   Монгол иргэд олноор ажиллаж, амьдарч байгаа орнуудад тухайн иргэдийг нийгмийн даатгалд хамруулах судалгаа хийх, Засгийн газар хоорондын болон холбогдох бусад байгууллагатай гэрээ байгуулж нийгмийн даатгалын шимтгэлийн давхар төлөлтөөс чөлөөлөх, хамтран ажиллах асуудлаар санал боловсруулах, холбогдох байгууллагад асуудал тавьж шийдвэрлүүлэх;
2.4.   Гадаадын ижил төстэй үйл ажиллагаа явуулдаг байгууллагатай хамтран ажиллах гэрээ хэлэлцээрийн төсөл боловсруулах.

Гурав. Хамтын ажиллагаа, төсөл хөтөлбөрийн талаар

3.1.   Гадаад орнуудын нийгмийн даатгалын байгууллага болон ижил төстэй үйл ажиллагаа явуулдаг байгууллагатай хоёр талын хамтын ажиллагааг хөгжүүлэх, харилцаа холбоо тогтоох;
3.2.   Монгол Улсын нутаг дэвсгэрт үйл ажиллагаа явуулж байгаа Олон улсын байгууллага, гадаадын байгууллага, Элчин сайдын яам, төсөл, хөтөлбөрүүд дээр ажиллаж буй монгол иргэдийн судалгааг гаргаж, нийгмийн даатгалд хамруулах ажлыг холбогдох газар, хэлтсүүдтэй хамтран зохион байгуулах;
3.3.   Монгол Улсын нутаг дэвсгэрт хөдөлмөр эрхэлж буй гадаад иргэдийн судалгааг гаргаж, нийгмийн даатгалд хамруулах ажлыг холбогдох газар, хэлтсүүдтэй хамтран зохион байгуулах;
3.4.   Гадаад оронд ажиллаж, амьдарч буй монгол иргэдийн судалгааг холбогдох яам, байгууллагатай хамтран гаргаж, тэдгээрийг нийгмийн даатгалд хамруулах асуудлыг судлах, санал, төсөл боловсруулах;
3.5.   Гадаад улс орон, Олон улсын байгууллагатай хамтран нийгмийн даатгалын чиглэлээр төсөл, хөтөлбөр хэрэгжүүлэх ажлыг судлах, удирдан зохион байгуулах;
3.6.   Хамтын ажиллагааны чиглэлээр Монгол Улсад ирэх зочид төлөөлөгчдийг хүлээн авах ажлыг холбогдох газар, хэлтэс, байгууллагатай хамтран зохион байгуулах.

Дөрөв. Сургалт, сурталчилгааны талаар

4.1.   Нийгмийн даатгалын байгууллагын ажилчин, албан хаагчдыг гадаад улс оронд сургах, мэргэжил дээшлүүлэх, гадаад орнуудын ижил төстэй үйл ажиллагаа явуулдаг байгууллагатай харилцаа холбоо тогтоож, туршлага солилцох ажлыг холбогдох газар, хэлтсүүдтэй хамтран зохион байгуулах;
4.2.   Нийгмийн даатгалын салбарын боловсон хүчний чадавхийг бэхжүүлэх чиглэлээр гадаадад мэргэжил дээшлүүлэх, суралцуулах талаар газрын стратеги төлөвлөгөөг хүний нөөцийн хөгжлийн төлөвлөгөөтэй уялдуулан боловсруулах, шинэчлэх, хэрэгжүүлэх;
4.3.   Нийгмийн даатгалын чиглэлээр олон улсын болон байгууллага хоорондын уулзалт, зөвлөгөөн, хурал, чуулганыг зохион байгуулах, эдгээр арга хэмжээнд гадаадын зочид, төлөөлөгчдийг урьж оролцуулах;
4.4.   Нийгмийн даатгалын талаарх дэлхийн жишигт нийцсэн туршлага, ололт амжилтыг судлах, бусад газар, хэлтсүүдэд танилцуулах, тэдэнтэй хамтран өөрийн оронд хэрэгжүүлэх, нэвтрүүлэх санал, төсөл боловсруулах;
4.5.   Гадаад улс оронд ажиллаж, амьдарч буй монгол иргэдэд нийгмийн даатгалын тухай хууль тогтоомж, даатгалын ач холбогдлыг сурталчлах, нийгмийн даатгалд хамрагдах боломжийг таниулах;
4.6.   Нийгмийн даатгалын байгууллагын үйл ажиллагааг гадаад улс оронд сурталчлах ажлыг холбогдох байгууллагатай хамтран зохион байгуулах;
4.7.   Нийгмийн даатгалын байгууллагаас Олон улсын байгууллага, гадаад улс оронд явуулах илтгэл, тайлан, бусад баримт бичгийг боловсруулах, хүргүүлэх ажлыг зохион байгуулах.