Бодлогын хэрэгжилт, төлөвлөлтийн газар

 Нийтлэг үндэслэл

Нийгмийн даатгалын ерөнхий газрын Бодлогын хэрэгжилт, төлөвлөлтийн газар нь дараахь  үндсэн  чиг үүргийг хэрэгжүүлэн ажиллана. Үүнд:

1.Нийгмийн даатгалын талаар төрөөс явуулж байгаа бодлогын хэрэгжилтийг хангуулах, Монгол Улсын нийгэм, эдийн засгийг хөгжүүлэх үндсэн чиглэл болон Засгийн газрын үйл ажиллагааны хөтөлбөрт тусгагдсан асуудлыг хэрэгжүүлэхтэй холбоотой тооцоо хийх, санал боловсруулах, шийдвэрлүүлэх;

2.Нийгмийн даатгалын холбогдолтой хууль, тогтоомжийн хэрэгжилтийг хангуулах, төв, орон нутгийн нийгмийн даатгалын албадыг мэргэжил арга зүйн удирдлагаар хангах;

3.Хууль, тогтоомжид нэмэлт, өөрчлөлт оруулах хууль болон холбогдох баримт бичгийн төсөл, санал боловсруулах;

4.Хууль тогтоомж, Улсын Их Хурлын болон Засгийн газрын шийдвэрийг хэрэгжүүлэхтэй холбоотой журам, зөвлөмж, аргачлал, заавар боловсруулж хэрэгжүүлэх, хэрэгжилтэд хяналт тавих;

 5. Төрөөс тэтгэврийг нь хариуцах иргэдийн хөрөнгийн хэмжээ, нэрийн дансны хүү болон үлдэгдэл хөрөнгийг тооцоолох замаар Засгийн газраас нийгмийн даатгалын санд буцаан байршуулах хөрөнгийн хэмжээг тодорхойлох, уг хөрөнгийн хэмжээг нийгмийн даатгалын сангийн жил бүрийн төсөвт тусгаж батлуулах;

 6.Нийгмийн даатгалын сангийн орлого, зарлагын төсөв, төлөвлөгөө, төсвийн хүрээний мэдэгдэл, төсөөлөл боловсруулах, батлуулах, хуваарилах, хэрэгжилтэд хяналт тавих;

 7.Нийгмийн даатгалын байгууллагуудын үйл ажиллагааны болон хөрөнгө оруулалтын зардлын төсөв, төлөвлөгөө, төсөөлөл боловсруулах, батлуулах, хуваарилах, хэрэгжилтэд хяналт тавих;

 8.Нийгмийн даатгалын сангийн болон  үйл ажиллагаа, хөрөнгө оруулалтын  зардлын гүйцэтгэлд судалгаа, шинжилгээ хийх, үнэлэлт, дүгнэлт өгөх, санал боловсруулах, шийдвэрлүүлэх;

 9.Гадаадын хөрөнгө оруулалттай аж ахуйн нэгж байгууллага болон малчид хувиараа хөдөлмөр эрхлэгчдийн нийгмийн даатгалд  хамрагдалт, шимтгэл төлөлтийн талаарх мэдээллийг боловсруулан, судалгаа хийх;

 10.Гадаад орнуудын нийгмийн даатгалын салбарт хамтран ажиллах бодлогын асуудал, олон улсын гэрээний хэрэгжилт;

 11.Үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх арга хэмжээний зардлыг төлөвлөх, гэрээ байгуулах;

 12.Иргэд, даатгуулагчдын өргөдөл, гомдол, санал, хүсэлтийг хүлээн авч шийдвэрлэх, хэрэгжилтэд хяналт тавих.

Бүтэц, ажилтнуудын мэдээлэл