ЧАНАРЫН УДИРДЛАГЫН “ДЭЭЛТЭЙ ЗӨВЛӨГӨӨН” БОЛЛОО
ЧАНАРЫН УДИРДЛАГЫН “ДЭЭЛТЭЙ ЗӨВЛӨГӨӨН” БОЛЛОО
2020-01-20

Олон улсын чанарын ISO 9001:2008 стандартын шаардлагын дагуу Нийгмийн даатгалын байгууллагын үйл ажиллагаандаа мөрдөх журмуудыг хэлэлцэн батлах зорилготой сургалт зөвлөгөөн 2015 оны 10 дугаар сарын 18-ны өдөр Монголика цогцолборт боллоо.

Тус сургалтанд Нийгмийн даатгалын ерөнхий газрын Чанарын удирдах хороо, Баримт бичиг боловсруулах баг, Бүтээмжийн баг, Идэвхжүүлэлтийн баг болон стандарт нэвтрүүлэхээр сонгогдсон Дорнод аймаг, Хан-Уул дүүргийн Нийгмийн даатгалын хэлтсүүдийн төлөөлөл нийлсэн 50 орчим оролцогч хамрагдсан юм.

Сургалт зөвлөгөөний  үеэр баримт бичиг боловсруулах багийн боловсруулсан найман журмыг танилцуулан хэлэлцүүлж, санал авснаас гадна, бусад багууд, сонгогдсон хэлтсүүдийн ажлын тайлан, цаашдын төлөвлөгөөг сонсов.  Түүнчлэн процессийн нэгтгэлийн танилцуулга, чанарын удирдлагын хамрах хүрээ, чанарын зорилт, чанарын гарын авлага, байгууллагын төгөлдөршил, мэдлэгийн менежмент, тэнцвэржүүлсэн үнэлгээний систем зэрэг сэдвүүдээр сургалт хийж, хэлэлцүүлэг өрнүүлсэн.

Энэ удаагийн сургалт, зөвлөгөөн нь  “Дээлтэй зөвлөгөөн” болсноороо онцлог байлаа. Чанарын удирдлагын тогтолцоог нэвтрүүлэхийн бас нэг ач холбогдол нь хамт олны эерэг хандлагыг бий болгох явдал байдаг. Бүтэн өдрийн ачаалалтай вакуум сургалтынхаа уур амьсгалыг шинэлэг сонирхолтой болгох, үндэснийхээ хувцасыг сурталчилан дэлгэрүүлэх зорилгоор дээрх санаачлагыг гаргасан бөгөөд үүнийг дэмжиж идэвхтэй оролцсон оролцогчдынхоо дундаас Хамгийн сайхан үндэсний хувцастай эрэгтэй, эмэгтэй ажилтныг шалгарууллаа.  

ХОЛБООТОЙ МЭДЭЭ
X