МОНГОЛ УЛСАД ЭРҮҮЛ МЭНДИЙН ДААТГАЛЫН ТОГТОЛЦОО ҮҮСЧ, ХӨГЖСӨНИЙ 20 ЖИЛИЙН ОЙГ ТЭМДЭГЛЭН ӨНГӨРҮҮЛЛЭЭ
МОНГОЛ УЛСАД ЭРҮҮЛ МЭНДИЙН ДААТГАЛЫН ТОГТОЛЦОО ҮҮСЧ, ХӨГЖСӨНИЙ 20 ЖИЛИЙН ОЙГ ТЭМДЭГЛЭН ӨНГӨРҮҮЛЛЭЭ
2020-09-27

МОНГОЛ УЛСАД ЭРҮҮЛ МЭНДИЙН ДААТГАЛЫН ТОГТОЛЦОО ҮҮСЧ, ХӨГЖСӨНИЙ 20 ЖИЛИЙН ОЙГ ТЭМДЭГЛЭН ӨНГӨРҮҮЛЛЭЭ 

 

УИХ-аас Иргэний эрүүл мэндийн даатгалын тухай хуулийг 1993 онд батлан 1994 оны 1 дүгээр сарын 1-ний өдрөөс эхлэн мөрдүүлснээр эв санааны нэгдлийн зарчимд тулгуурласан үндэсний эрүүл мэндийн даатгалын тогтолцоог хөгжүүлэх эрх зүйн үндэс тавигдсан билээ.

Нийгмийн даатгалын байгууллага нь Монгол Улсын Засгийн газар, даатгуулагчид, ажил олгогчид, гадаад, дотоодын түнш нарынхаа дэмжлэг оролцоо, хамтын ажиллагааны дүнд Үндэсний эрүүл мэндийн даатгалын тогтолцоог хөгжүүлэн бэхжүүлж, эрүүл мэндийн даатгалын үйлчилгээг даатгуулагчиддаа амжилттай хүргэж ирлээ.

Үндэсний эрүүл мэндийн даатгалын тогтолцоо үүсч хөгжсөний 20 жилийн ойн хүрээнд Нийгмийн даатгалын ерөнхий газар нь ”Эрүүл мэндийн даатгал Таны төлөө-20 жилд” сэдэвт даатгуулагчдын өдөрлөг, эрүүл мэндийн даатгалд даатгуулагчийг урамшуулах үзлэг зэрэг олон үйл ажиллагаа зохион байгуулсан бөгөөд ойн үйл ажиллагааны хаалт болгон 2014 оны 11 дүгээр сарын 27-28-ны өдрүүдэд дараах сургалт, зөвлөлдөх уулзалтыг зохион байгууллаа. Үүнд:

Нийгмийн даатгалын ерөнхий газар Эрүүл мэндийн даатгалын хөгжилд үнэтэй хувь нэмрээ оруулсан үе үеийн ахмад ажилтан албан хаагчдад хүндэтгэл үзүүллээ.

Мөн Эрүүл мэндийн даатгалын газар нь Дэлхийн эрүүл мэндийн байгууллага, Азийн хөгжлийн банкны “Эрүүл мэндийн даатгалын тогтолцоог бэхжүүлэх нь” төсөлтэй хамтран “Өртөг тооцох арга болон чанарын үзүүлэлт”, “Чанарын удирдлагын тогтолцоо ба эрүүл мэндийн даатгалын тусламж, үйлчилгээний чанар” сэдэвт сургалтуудыг аймаг, дүүргийн нийгмийн даатгалын хэлтсийн эрүүл мэндийн даатгалын байцаагч, мэргэжилтнүүд болон эрүүл мэндийн байгууллагуудын төлөөллүүдийг оролцуулан амжилттай зохион байгууллаа.

Түүнчлэн эрүүл мэндийн даатгалын тогтолцоог хөгжүүлэхэд үнэтэй хувь нэмрээ оруулсан харилцаанд оролцогч талууд Монгол Улсын Засгийн газрын бүтцийн байгууллагууд, ажил олгогчид, даатгуулагчид, эрүүл мэндийн байгууллагуудын төлөөлөл, үе үеийн ажилтан албан хаагчид, олон улсын түншлэгч талуудыг оролцуулсан “Үндэсний эрүүл мэндийн даатгалын тогтолцоог хөгжүүлэх нь” зөвлөлдөх уулзалтыг зохион байгууллаа. Зөвлөлдөх уулзалтын үеэр Нийгмийн даатгалын ерөнхий газрын дарга, Нийгмийн даатгалын улсын ерөнхий байцаагч Ц.Уртнасан “Үндэсний эрүүл мэндийн даатгалын тогтолцооны хөгжил, шинэчлэлийн зорилт” сэдвээр илтгэл тавьж, Хүн амын хөгжил, нийгмийн хамгааллын яамны Төрийн нарийн бичгийн дарга Б.Отгонжаргал, Эрүүл мэндийн дэд сайд Ж.Амарсанаа болон үндэсний, олон улсын хамтрагч талууд мэндчилгээ дэвшүүллээ.

Үндэсний эрүүл мэндийн даатгалын тогтолцоог үүсгэн хөгжүүлсний 20 жилийн ойн мэндийг эрүүл мэндийн даатгалын харилцаанд оролцогч Монгол Улсын Засгийн газар, түүний бүтцийн байгууллагын үе үеийн төрийн албан хаагчид, даатгуулагчид, ажил олгогчид, эрүүл мэндийн байгууллагууд, гадаад, дотоодын түншүүддээ дахин дэвшүүлье.

 

ЭРҮҮЛ МЭНДИЙН ДААТГАЛЫН ГАЗАР

 

ХОЛБООТОЙ МЭДЭЭ
X