Нийгмийн даатгалын 21 албан хаагч Төрийн албанд хоёргүй сэтгэлээр зүтгэхээ тангараглалаа
Нийгмийн даатгалын 21 албан хаагч Төрийн албанд хоёргүй сэтгэлээр зүтгэхээ тангараглалаа
2020-01-20

Төрийн албанд шинээр орж буй албан хаагчид “Төрийн албан хаагч”-ийн тангараг өргөж, Төрийн жинхэнэ албан хаагч болдог уламжлалтай.

Төрийн албан хаагчийн уралдаант шалгалтад тэнцсэн ХАХНХЯ-ны болон Нийгмийн даатгалын ерөнхий газар, Нийгмийн халамж, үйлчилгээний ерөнхий газар, Хүүхдийн төлөө үндэсний газар зэрэг харьяа агентлагуудын албан хаагчид Төрийн албан хаагчийн тангараг өргөцгөөлөө.

Тангараг өргөх ёслолын ажиллагааг УИХ-ын гишүүн, Засгийн газрын гишүүн, ХАХНХ-ын сайд С.Эрдэнэ нээж үг хэллээ.  Сайд хэлсэн үгэндээ “Төрийнхөө сүлдний өмнө тангараг өргөж, төрийн албан хаагч болно гэдэг. Өөрийнхөө эрхийг хязгаарлаж, бусдын өмнө хариуцлага хүлээж, үүрэг үүрэхийн нэр” хэмээн онцолж, нийгмийн хамгааллын хүндтэй хариуцлагатай ажилдаа нэр төртэй, хоёргүй сэтгэлээр зүтгэхийг захиж байлаа.

Төрийн жинхэнэ албан хаагчийн баталгаа болсон тангараг өргөх ёслолд ХАХНХЯ-ны салбар, харьяа агентлагуудын нийт 87 албан хаагч оролцож, эх орон, ард түмнийхээ төлөө оюун ухаан, эрдэм чадлаа зориулж, төрийн хууль ёс зүйн хэм хэмжээг чанд сахиж, албан үүргээ үнэнч шударгаар биелүүлэхээ тангараглалаа.
Албан хаагчдыг Монгол төрийн төлөө эрдэм чадлаа зориулж, албан үүргээ шударгаар гүйцэтгэхээр тангарагласанд салбарын сайд болон ХАХНХЯ-ны Төрийн нарийн бичгийн дарга Б.Отгонжаргал, Нийгмийн даатгалын ерөнхий газрын дарга Ц.Уртнасан, Нийгмийн халамж, үйлчилгээний ерөнхий  газрын дарга Д.Баярсайхан, Хүн амын хөгжил, нийгмийн хамгааллын яамны газрын дарга нар оролцож залуу боловсон хүчнийнхээ хийж бүтээх их үйлст амжилт хүссэн юм.

ХОЛБООТОЙ МЭДЭЭ
X