Сэтгүүлчид 5 дахь жилдээ нийгмийн даатгалын сургалтад хамрагдлаа
Сэтгүүлчид 5 дахь жилдээ нийгмийн даатгалын сургалтад хамрагдлаа
2020-02-29

     Сэтгүүлч, хэвлэл мэдээллийн ажилтнуудад нийгмийн даатгалын мэдлэг олгох, мэдээлэл өгөх зорилгоор 2019 оны 12 дугаар сарын 17-ны өдөр сургалт зохион байгууллаа.  

    Нийгмийн даатгалын байгууллагаас жил бүр уламжлал болгон зохион байгуулдаг тус сургалтад энэ удаа олон нийтийн мэдээллийн хэрэгслийн 40 ажилтан оролцож, нийгмийн даатгалын тогтолцоо, хууль эрх зүйн өнөөгийн байдал, шинээр мөрдөгдөх хуулийн өөрчлөлт, шинэ үйлчилгээ болон цаг үеийн холбогдолтой бусад асуудлаар мэдээлэл авч, мэдлэгээ дээшлүүллээ.

     Сургалтын үеэр Нийгмийн даатгалын ерөнхий газрын дарга Д.Зоригт болон удирдлагын төлөөлөл сэтгүүлчдийн сонирхсон асуултад хариулан, хэлэлцүүлэг өрнүүлсэн. 

     Мөн энэ үеэр сэтгүүлчид тус газарт шинээр нэвтрүүлсэн “call center”-ийн үйл ажиллагаатай танилцаж, иргэд заавал биеэр ирэлгүй утасны цаанаас хуулийн мэргэшсэн зөвлөгөө авах, тэтгэвэр тэтгэмжийн тооцоолуур хийлгэх нөхцөл бүрдсэнийг олзуурхаж байсан юм.

ХОЛБООТОЙ МЭДЭЭ
X