“НИЙГМИЙН ДААТГАЛ-МИНИЙ МЭРГЭЖИЛ” уралдаан өрсөлдөөнтэй болж өнгөрлөө
“НИЙГМИЙН ДААТГАЛ-МИНИЙ МЭРГЭЖИЛ” уралдаан өрсөлдөөнтэй болж өнгөрлөө

      Хөдөлмөр,нийгмийн хамгааллын яам, Нийгмийн даатгалын ерөнхий газраас “Нийгмийн даатгал-миний мэргэжил” сэдэвт ажил мэргэжлийн уралдааныг аравдугаар сарын 27-28-нд зохион байгууллаа.

      Энэхүү ажил мэргэжлийн уралдааныг нийт долоон бүсэд тодруулбал, баруун бүс Ховд аймагт НДЕГ-ын дэд дарга Г.Саран, хангайн бүс Орхон аймагт НДЕГ-ын Дотоод аудит, мониторингийн газрын дарга Ч.Алтангэрэл, төвийн бүс Дархан-Уул аймагт НДЕГ-ын дэд дарга Т.Батмөнх, зүүн бүс Дорнод аймагт Хөдөлмөр, нийгмийн хамгааллын яам, Нийгмийн хамгааллын бодлогын хэрэгжилтийг зохицуулах газрын дарга Б.Ундрал, говийн бүс Өмнөговь аймагт Нийгмийн даатгалын үндэсний зөвлөлийн ажлын албаны дарга Р.Отгонжаргал, нийслэлийн бүсийг хоёр хуваан НДЕГ-ын Хяналт, шалгалтын газрын дарга Д.Ганзориг, НДЕГ-ын СОНХАГ-ын дарга Д.Цэцэгбадам нар тус тус ахлаж, амжилттай зохион байгууллаа.

      Нийгмийн даатгалын байцаагчид, ажилтнууд асуулт хариулт, бодлого, кейс, “АХА” тэмцээнээр өрсөлдсөн. Жүжигчилсэн тоглолт, багийн мэндчилгээ, хууль тогтоомж, ахлагчдын даалгавар зэрэг авьяас мэдлэг сорьсон олон сорилтод нийгмийн даатгалын байцаагчид, ажилтнууд мэргэжлийн ур чадвараа харуулсан юм. Тэднээс нийслэлийн нэгдүгээр бүсээс Баянзүрх дүүрэг, хоёрдугаар бүсээс Сүхбаатар дүүрэг, төвийн бүсээс Дархан-Уул аймаг, Зүүн бүсээс Сүхбаатар аймаг, Баруун бүсээс Увс аймаг, Хангайн бүсээс Өвөрхангай аймаг, Говийн бүсээс Өмнөговь аймгийн нийгмийн даатгалын хэлтсийн байцаагчид шалгаран бусдыгаа тэргүүлээ.

       Иргэд, даатгуулагч, тэтгэвэр авагч, ажил олгогч, олон нийтэд нийгмийн даатгалын ач холбогдлыг сурталчлан таниулах, нийгмийн даатгалын ажилтнуудын ажлын онцлогийг харуулах, цаашлаад  байцаагч, ажилтнуудын мэргэжлийн ур чадвар, мэдлэгийг сорих, дээшлүүлэх, туршлага солилцох, шинэ санаа санаачилгыг дэмжих, улсын байцаагчийн шалгалтад бэлтгэх зорилгоор зохион байгуулсан “Нийгмийн даатгал-миний мэргэжил” ажил мэргэжлийн энэ удаагийн уралдаан амжилттай, өрсөлдөөнтэй болж өндөрлөлөө.

ХОЛБООТОЙ МЭДЭЭ
X