Шинэ ажилтнуудыг чадавхжуулах сургалтыг зохион байгууллаа
Шинэ ажилтнуудыг чадавхжуулах сургалтыг зохион байгууллаа

     Нийгмийн даатгалын байгууллагын шинээр томилогдсон ажилтан, албан хаагчдад Төрийн албаны ёс зүй, нийгмийн даатгалын тухай хууль тогтоомжийн мэдлэг олгох зорилгоор жил бүр уламжлал болгон зохион байгуулдаг шинэ ажилтныг чадавхжуулах сургалт 2018 оны 09 дүгээр сарын 05, 06-ны өдрүүдэд боллоо.

     Энэ удаагийн сургалтад Нийгмийн даатгалын ерөнхий газар, Нийслэлийн нийгмийн даатгалын газар болон дүүргүүдийн Нийгмийн даатгалын хэлтсүүдийн 62 ажилтан албан хаагч хамрагдаж нийгмийн даатгалын тогтолцоо, хөгжил шинэчлэл, хууль тогтоомжийн талаар мэдлэгээ дээшлүүлэв.

     Салбарын мэдээллээс гадна төрийн албаны ёс зүй, ашиг сонирхлын зөрчлөөс урьдчилан сэргийлэх, албан хэрэг хөтлөлт, үр дүнгийн гэрээ үнэлэх дүгнэх процесс, программ хангамжийн хэрэглээ болон зөрчлийн тухай хууль, төрийн албаны тухай хуулийн шинэчилсэн найруулга зэргийг сургалтын хөтөлбөрт тусгаж оруулснаараа онцлог байлаа.

     Хоёр өдөр үргэлжилсэн сургалтын төгсгөлд бататгах сорил авч, ирц болон сургалтын үнэлгээнд тулгуурлан сертификат олгосон юм. Эдгээр ажилтнууд нь  анхан шатны сургалтынхаа дараа чиглэл бүрээрээ мэргэшүүлэх сургалтад шат дараатай хамрагдана.

ХОЛБООТОЙ МЭДЭЭ
X