Сонгон шалгаруулалтын урилга /СБСШ-01/2018/
Сонгон шалгаруулалтын урилга /СБСШ-01/2018/
2020-03-30

Огноо: 2018 оны 04 дүгээр сарын 30-ны өдөр

Нийгмийн даатгалын ерөнхий газар: Үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, хөдөлмөрийн аюулгүй байдал, эрүүл ахуйн сургалт зохион байгуулах Сургалтын байгууллагын сонгон шалгаруулалтад оролцохыг урьж байна.

Cонгон шалгаруулах журмыг www.ndaatgal.mn, www.habemt.gov.mn сайтнаас татаж авна уу.

Сонгон шалгаруулалтын нэр: Нийгмийн даатгалын үндэсний зөвлөлийн 2017 оны 10 дугаар тогтоолоор баталсан “Үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх арга хэмжээний зардлыг санхүүжүүлэх журам”, Эрүүл мэнд, нийгмийн даатгалын ерөнхий газрын даргын 2017 оны 09 дүгээр сарын 07-ны өдрийн А/135 дугаар тушаалаар баталсан “Үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, хөдөлмөрийн аюулгүй байдал, эрүүл ахуйн сургалт зохион байгуулах мэргэжлийн сургалтын байгууллагыг сонгон шалгаруулах журам”-ыг тус тус үндэслэн үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, хөдөлмөрийн аюулгүй байдал, эрүүл ахуйн сургалт зохион байгуулах сургалтын байгууллагын сонгон шалгаруулалтыг зарлаж байна.

Сургалтын байгууллага нь Хөдөлмөрийн аюулгүй байдал, эрүүл ахуйн чиглэлээр ажил олгогч, даатгуулагч, иргэдэд үйлдвэрлэлийн ослоос урьдчилан сэргийлэх, ажлын байран дахь хөдөлмөрийн аюулгүй ажиллагааны талаар сургалт зохион байгуулах чиг үүрэгтэй ажиллана.

Сонгон шалгаруулалтын дугаар: СБСШ – .01/2018

Сургалтын байгууллагад тавигдах шаардлага: 

  • Хөдөлмөрийн сайдын 2016 оны А/33 дугаар тушаалаар баталсан “Хөдөлмөрийн аюулгүй байдал, эрүүл ахуйн сургалт зохион байгуулах, шалгалт авах журам”-ын 2.1-д заасан шаардлагыг хангасан байх;
  • Сүүлийн 2 жилийн хугацаанд сургалтын үйл ажиллагаа тогтмол явуулсан байх;
  • Нийгмийн даатгалд шимтгэл төлөгчөөр бүртгэгдсэн, ажилтнуудаа бүрэн хамруулсан, нийгмийн даатгалын шимтгэлийн өр, төлбөргүй байх;
  • Сүүлийн 3 жилд Мэргэжлийн хяналтын болон холбогдох байгууллагуудаас хийсэн хяналт шалгалтаар зөрчил дутагдал гаргаагүй байх, гаргасан тохиолдолд зөрчил дутагдлыг арилгаж, актаар тогтоосон  төлбөрийг хугацаанд нь бүрэн барагдуулсан байх;
  • Хөдөлмөрийн аюулгүй байдал, эрүүл мэндийн төвд Хөдөлмөрийн аюулгүй байдал, эрүүл ахуйн сургалтын мэдээ, тайланг тогтоосон хугацаанд гаргаж, хүргүүлсэн байх;
  • Сургалтад оролцогчдоос сэтгэл ханамжийн судалгаа авч дүгнэн үйл ажиллагаандаа хэрэгжүүлэн ажилласан байх;
  • Сүүлийн 2 жилд Нийгмийн даатгалын хэлтэстэй гэрээ байгуулан сургалт зохион байгуулсан бол тухайн хэлстийн сургалтын үр дүнг үнэлсэн үнэлгээ, дүгнэлт зэрэг болно.

Жич: Сургалт зохион байгуулах эрхийн гэрчилгээний хугацаа дууссан бөгөөд гэрчилгээгээ сунгуулах хүсэлтээ шалгаруулалт явуулахаас 30 хоногийн өмнө гаргаагүй тохиолдолд сонгон шалгаруулалтад оруулахгүй болно.

Сонгон шалгаруулалтад оролцох хүсэлтэй сургалтын байгууллага нь сонгон шалгаруулах журамд зааснаас гадна дараах баримт бичгийг бүрдүүлсэн байна. Үүнд:

  • Сонгон шалгаруулалтад оролцох тухай хүсэлт;
  • Төрийн болон төрийн бус байгууллагын өмчийн хэлбэрийг тодорхойлсон баримт бичиг;
  • Хөдөлмөрийн аюулгүй байдал, эрүүл ахуйн сургалт зохион байгуулах эрхийн гэрчилгээний хуулбар;  
  • Зориулалтын стандартын шаардлага хангасан өөрийн сургалтын анги танхимтайг нотлох үл хөдлөх хөрөнгийн бүртгэлийн гэрчилгээний хуулбар;
  • Зориулалтын стандартын шаардлага хангасан түрээсийн сургалтын анги танхим түрээсэлсэн түрээсийн гэрээний хуулбар;   
  • Явуулын сургалт зохион байгуулахад шаардлагатай машин, техник хэрэгсэлтэйг нотлох баримт /гэрчилгээний хуулбар, эд хөрөнгийн фото зураг хавсаргах/
  • Нийгмийн даатгалын шимтгэл төлөлтийн 2018 оны 01 дүгээр улирлын тайлан (НД№ 7, 8)-гийн хуулбар;
  • Аж ахуйн нэгжийн орлогын албан татварын болон Хувь хүний  орлогын албан татварын 2018 оны  1 дүгээр улирлын тайлангийн хуулбар;
  • Хамтран ажилласан харьяалах Нийгмийн даатгалын хэлтсийн тодорхойлолт;
  • Сургалт зохион байгуулсан аймаг, дүүргийн Мэргэжлийн хяналтын болон холбогдох байгууллагуудаас хийсэн хяналт шалгалтаар зөрчил дутагдал гараагүй талаарх тодорхойлолт; 
  • Өмнөх онд зохион байгуулсан сургалтын сэдвийн жагсаалт, товч тайлан;
  • Өмнөх онд зохион байгуулсан сургалтад оролцогчдоос авсан сэтгэл ханамжийн судалгаа, түүнд хийсэн дүгнэлт; 
  • Хөдөлмөрийн аюулгүй байдал эрүүл мэндийн төвөөс тухайн сургалтын байгууллагын гэрчилгээний хугацаа хүчинтэй эсэх, гэрчилгээний хугацаа дууссан тохиолдолд сунгах тухай хүсэлт гаргасан эсэх, улирлын мэдээ, тайланг цаг хугацаанд гаргаж ирүүлдэг эсэх болон сүүлийн 2 жилийн үйл ажиллагааны мэдээлэл, тайланд баталгаажуулалт хийгдсэн эсэх тодорхойлолт
  • Хөдөлмөрийн аюулгүй байдал, эрүүл ахуйн сургалт зохион байгуулах үлгэрчилсэн хөтөлбөрийг үндэс болгон тухайн ажил мэргэжлийн аюулгүй ажиллагааны онцлогийг тусгасан сургалтын төлөвлөгөө, түүний гүйцэтгэл;
  • Үйл ажиллагааны дэлгэрэнгүй танилцуулга. (байгууллагын үйл ажиллагаатай холбогдолтой мэдээлэл, фото зураг, сүүлийн 2 жилийн сургалтын үйл ажиллагааны талаарх тайланг хавсаргах)
  • “Сургалтын байгууллагын багш, арга зүйчид нь хөлсөөр ажиллах гэрээгээр ажилладаг бол гэрээний хуулбар /нотариатаар баталгаажуулах/
  • Багш, арга зүйчдийн дэлгэрэнгүй анкет зэрэг болно.

Баримт бичиг хүлээн авах эцсийн хугацаа: Сонгон шалгаруулалтад оролцогчдын баримт бичгийг 2018 оны 05 дугаар сарын 30-ны өдрийн 10 цаг  00 минут хүртэл.

Баримт бичгийг ирүүлэх хаяг, хүлээн авах албан тушаалтан: Нийгмийн даатгалын ерөнхий газрын 5 давхар 503 тоот өрөө болон Хөдөлмөрийн аюулгүй байдал, эрүүл мэндийн төвийн хөдөлмөрийн нөхцөлийн лабораторийн 01 тоот өрөөнд Ажлын хэсгийн нарийн бичгийн дарга нар хүлээн авна.

Баримт бичгийг нээх хугацаа: 2018 оны 05 дугаар сарын 30-ны өдрийн 11 цаг 00 минутад  Нийгмийн даатгалын ерөнхий газрын 405 тоотод нээнэ.

Нийгмийн даатгалын ерөнхий газар,

Хөдөлмөрийн аюулгүй байдал, эрүүл мэндийн төвийн хөдөлмөрийн нөхцөлийн лаборатори

   Холбоо барих утас: 91108989, 99850240  

X