Сонгон шалгаруулалтын урилга
Сонгон шалгаруулалтын урилга

Огноо: 2018.01.17

Сонгон шалгаруулалтын нэр: Нийгмийн даатгалын ерөнхий газрын дэргэдэх Эмнэлэг хөдөлмөрийн магадлах комиссын дотрын мэргэжлийн шинжээч эмчийн сонгон шалгаруулалт           

Сонгон шалгаруулалтын дугаар: СШ-01

     Эмнэлэг хөдөлмөрийн магадлах төв комиссын дотрын мэргэжлийн шинжээч эмчээр ажиллах сонирхолтой мэргэжилтнүүдийг сонгон шалгаруулалтад оролцохыг урьж байна. 

       Шинжээч эмч нь иргэн (даатгуулагч)-ий хөдөлмөрийн чадвар алдалтын хувь, хугацаа тогтоох, сунгах, цуцлах үйл ажиллагаанд магадлал, шинжилгээ, үнэлгээ,  эрдэм шинжилгээ, судалгаа хийх үндсэн чиг үүрэгтэй ажиллана.

Сонгон шалгаруулалтад оролцох эмч нь дараах шаардлагыг хангасан байна.Үүнд:

  • Эмчлэх эрхийн лицензтэй;
  • Эмчийн ахлах зэргээс дээш мэргэжлийн зэрэгтэй;
  • Анагаах ухааны магистраас дээш боловсролын зэрэгтэй;
  • Багаар ажиллах, үнэлгээ, дүгнэлт өгөх чадвартай;
  • Ёс зүйн зөрчилгүй, гэмт хэрэгт холбогдож байгаагүй, ял шийтгэлгүй;
    • Нийтийн албанд нийтийн болон хувийн ашиг сонирхлыг зохицуулах, ашиг   сонирхлын зөрчлөөс урьдчилан сэргийлэх тухай хуулийн шаардлага хангасан;
    • Эрүүл мэндийн байгууллагын нэгж хэсгийг удирдаж байсан туршлага бүхий.

Бүрдүүлэх материал: 

  • Нэр дэвшүүлсэн байгууллагын санал, ажил байдлын тодорхойлолт (Эрүүл мэндийн яамны дэргэдэх мэргэжлийн чиглэлээр зөвлөх чиг үүрэг бүхий салбар зөвлөл, эрүүл мэндийн чиглэлээр үйл ажиллагаа явуулдаг төрийн болон төрийн бус байгууллага, их, дээд сургууль, мэргэжлийн холбоо, нийгэмлэгийн удирдлагын зөвлөлийн хурлын протоколын хамт);
  • Нэр дэвшигчийн өөрийн хүсэлт;
  • Анкет (төрийн албан хаагчийн 1-р маягтаар);
  • Иргэний үнэмлэхийн хуулбар;
  • Боловсролын диплом, мэргэжлийн болон үйл ажиллагаатай холбоотой материалын хуулбар;
  • 3x4 хэмжээтэй 2 хувь цээж зураг;
  • Эмнэлэг хөдөлмөрийн магадлалын шинжээч эмчид тавигдах шаардлагыг хангаагүй болон бүрдүүлэх материалыг дутуу ирүүлсэн мэргэжилтнийг сонгон шалгаруулалтад бүртгэхгүй.

Хугацаа:

       Нэр дэвшигчийн материалыг 2018 оны 02 дугаар сарын 21-ны өдрийн 09 цаг 00 минутаас өмнө доорх хаягаар авна.

    Жич: Сонгон шалгаруулалтын талаарх дэлгэрэнгүй мэдээллийг  Нийгмийн даатгалын ерөнхий газрын дэргэдэх Эмнэлэг хөдөлмөрийн магадлах төв комисс, 603 тоот өрөө, Утас: 11-329397 хаягаар авна уу.

 

НИЙГМИЙН ДААТГАЛЫН ЕРӨНХИЙ ГАЗАР

X