Нийгмийн даатгалын үйлчилгээний чанар, хүртээмж, соёлыг сайжруулах уралдаан зохион байгууллаа
Нийгмийн даатгалын үйлчилгээний чанар, хүртээмж, соёлыг сайжруулах уралдаан зохион байгууллаа
2020-08-05

       Эрүүл мэнд, нийгмийн даатгалын хэлтсийн үйл ажиллагаа, үйлчилгээний чанар, хүртээмж, соёлыг сайжруулах шинэ санал, санаачилгыг дэмжих, сайн туршлагыг бусад хэлтсүүдэд түгээн дэлгэрүүлэх зорилгоор Эрүүл мэнд, нийгмийн даатгалын ерөнхий газар нь “Шинрай” төсөлтэй хамтран 2017 оны 10 дугаар сараас 12 дугаар сарыг хүртэл уралдаан зохион байгууллаа.

       Уралдаанд аймаг, дүүргийн 24 хэлтэс оролцож, зорилго, төлөвлөгөө, үр дүнгийн тайлангаа ирүүлснээс Өвөрхангай, Орхон, Увс, Сүхбаатар аймаг болон Багануур дүүргийн Эрүүл мэнд, нийгмийн даатгалын хэлтсүүд шалгарч, нийгмийн даатгалын үйл ажиллагаа, үйлчилгээний соёлыг сайжруулах, үйлчлүүлэгчид ээлтэй орчин бүрдүүлэх хүрээнд зохион байгуулж байгаа ажлын үр дүн, сургамж, сайн туршлагаа 2017 оны 12 дугаар сарын 04-ний өдөр бусад аймаг, дүүргийн хэлтсүүдтэй хуваалцаж, санал солилцлоо.

       Уралдаанд шалгарсан дээрх аймаг, дүүргийн хэлтсүүдэд Эрүүл мэнд, нийгмийн даатгалын ерөнхий газрын Дэд дарга Г.Саран, “Шинрай” төслийн ахлах зөвлөх Ямашита Маморү, олон улсын мэргэжилтэн Сүгаяа Масами нар ДААТГУУЛАГЧДЫНХАА ИТГЭЛ НАЙДВАР, СЭТГЭЛ ХАНАМЖААР ҮНЭЛЭГДЭХ НИЙГМИЙН ДААТГАЛЫН ҮЙЛЧИЛГЭЭГ ХҮРГЭХ эрхэм зорилгынхоо төлөө ажиллаж үлгэр жишээ, жишиг байгууллага болж байгаад баяр хүргэн өргөмжлөл гардуулав.

       Нийгмийн даатгалын үйлчилгээний соёлыг дээшлүүлэхэд манлайлан ажиллаж байгаа Өвөрхангай, Орхон, Увс, Сүхбаатар аймаг болон Багануур дүүргийн Эрүүл мэнд, нийгмийн даатгалын хэлтсийн хамт олонд талархал илэрхийлье.

 

ЭРҮҮЛ МЭНД, НИЙГМИЙН ДААТГАЛЫН ЕРӨНХИЙ ГАЗАР

ХОЛБООТОЙ МЭДЭЭ
X