БНСУ-ын төлөөлөгчид Монгол Улсын нийгмийн даатгалын тогтолцоотой танилцлаа
БНСУ-ын төлөөлөгчид Монгол Улсын нийгмийн даатгалын тогтолцоотой танилцлаа

       Монгол Улсын Хөдөлмөр, нийгмийн хамгааллын яам, Бүгд Найрамдах Солонгос Улсын Эрүүл мэнд, нийгмийн хамгааллын яам хооронд байгуулсан хамтын ажиллагааны Санамж бичгийн хүрээнд тус улсын яам болон Хүний нөөцийн академийн төлөөлөл 2017 оны 11 дүгээр сарын 06- 09-ний өдрүүдэд Монгол Улсад албан айлчлал хийлээ.

       Айлчлалын хүрээнд манай улсын нийгмийн хамгаалал, халамж, нийгмийн даатгалын бодлого, үйл ажиллагаатай танилцаж, хамтын ажиллагааны хүрээнд санал солилцсон бөгөөд Эрүүл мэнд, нийгмийн даатгалын ерөнхий газарт 2017 оны 11 дүгээр сарын 08-ны өдөр ажиллаа.

       Солонгосын талаас ирсэн төлөөлөгчдөд Монгол Улсын нийгмийн даатгалын тогтолцоо тэр дундаа тэтгэврийн шинэчлэлийн бодлого, эрүүл мэндийн даатгалын сангаас үзүүлж буй тусламж үйлчилгээний талаар танилцуулж, мөн салбар нэгжийн үйл ажиллагаатай танилцуулсан юм.

       Уулзалтын үеэр Эрүүл мэнд, нийгмийн даатгалын ерөнхий газрын дарга Д.Зоригт БНСУ-тай  нийгмийн хамгааллын хэлэлцээрийн хүрээнд 10 гаруй ажил хамтран ажиллаж, нийгмийн даатгалын үйлчилгээний салбар нэгжийг тус улсад ажиллуулж байгаа талаар дурдаад цаашдын хамтын ажиллагаанд амжилт хүссэн юм.

 

 ЭРҮҮЛ МЭНД, НИЙГМИЙН ДААТГАЛЫН ЕРӨНХИЙ ГАЗАР

ХОЛБООТОЙ МЭДЭЭ
X