Элэгний с вирусийн идэвхжил тодорхойлох шинжилгээг насны хязгааргүйгээр үргэлжлүүлэн зохион байгуулна
Элэгний с вирусийн идэвхжил тодорхойлох шинжилгээг насны хязгааргүйгээр үргэлжлүүлэн зохион байгуулна

Нийгмийн даатгалын үндэсний зөвлөлийн 2017 оны 09 дүгээр тогтоолоор элэгний С вирусийн идэвхжил тодорхойлох шинжилгээнд эрүүл мэндийн даатгалын сангаас төлөх нэг удаагийн зардлын төлбөрийн дээд хязгаарыг нэг даатгуулагчид хагас автомат анализатороор 80,0 мянга, бүрэн автомат анализатороор тоолоход 120,0 мянган төгрөг байхаар тогтоосон.

Даатгуулагч нь улсын хэмжээнд элэгний С вирусийн эсрэг эмийн жор бичих эрхтэй нэр бүхий 201 эмчид үзүүлж, шинжилгээний бичиг заавал авах бөгөөд харин өөрийн шинжилгээ өгөх лабораторийг нээлттэй сонгон шалгаруулалтаар шалгарсан нэр бүхий 21 лабораториос сонгох боломжтой.

Түүнчлэн, даатгуулагч нь “Элэг бүтэн Монгол” цогц хөтөлбөрийн хүрээнд эрүүл мэндийн даатгалын сангийн санхүүжилтээр элэгний С вирусийн эсрэг эмийг хайрцаг тутам 210,0 мянган төгрөгийн хөнгөлөлттэй үнээр авч, цаашид эмчлүүлэх боломж нээлттэй байгаа юм.

Дэлгэрэнгүй мэдээллийг:

  • НДҮЗ-ийн 2017 оны 03 дугаар сарын 21-ний өдрийн “Элэгний С вирусийн идэвхжил тодорхойлох шинжилгээний зардлын даатгалын сангаас төлөх төлбөрийн дээд хязгаарыг тогтоох тухай” 09 дүгээр тогтоолыг ЭНДЭЭС;
  • Элэгний С вирусийн эсрэг эмийн жор бичих эрх бүхий эмч нарын нэрсийг ЭНДЭЭС;
  • Элэгний С вирусийн ачаалал тодорхойлох гэрээ байгуулсан лабораториудын жагсаалтыг ЭНДЭЭС тус тус татаж авна уу.
  • Мэдээллийн шторкийг ЭНД ДАРЖ үзэх боломжтой.

 

ЭРҮҮЛ МЭНДИЙН ДААТГАЛЫН БОДЛОГЫН ХЭРЭГЖИЛТИЙН ГАЗАР

ХОЛБООТОЙ МЭДЭЭ
X