Нийгмийн даатгалын байгууллагад чанарын удирдлагын тогтолцоо ISO9001:2008 стандартын хэрэгжилтэд явцын аудит хийв
Нийгмийн даатгалын байгууллагад чанарын удирдлагын тогтолцоо ISO9001:2008 стандартын хэрэгжилтэд явцын аудит хийв
2020-08-08

Нийгмийн даатгалын байгууллага нь Чанарын удирдлагын тогтолцооны ISO9001:2008 стандартыг хэрэгжүүлж үйлчилгээний чанар, хүртээмжийг сайжруулах зорилго тавин ажиллаж байна.

Эрүүл мэнд, нийгмийн даатгалын ерөнхий газар, Хан-Уул дүүргийн Эрүүл мэнд, нийгмийн даатгалын хэлтсийн үйл ажиллагаанд хэрэгжүүлж буй Чанарын удирдлагын тогтолцооISO9001:2008 стандартын хэрэгжилтэд “ХонгКонг Веритас”олон улсын аудитын байгууллага 2016 оны 10 дугаар сарын 27-28-ны өдрүүдэд ажиллав.

Олон улсын аудиторууд нийгмийн даатгалын салбарын удирдлага,  байцаагч, мэргэжилтнүүдтэй уулзаж, нийгмийн даатгалын үйл ажиллагаа стандартын шаардлагын дагуу явагдаж байгаа эсэхэд үнэлэлт, дүгнэлт өгч, цаашид улам сайжруулан ажиллах талаар зөвлөгөө, зөвлөмжийг өгч ажиллав.

“Хонг Конг Веритас” олон улсын аудитын байгууллагын ахлах аудитор Катерин Квок, аудитор Хови Энжи нар нь нийгмийн даатгалын байгууллагад Чанарын удирдлагын тогтолцоо стандартыг бусад төрийн байгууллага, үйлчилгээний байгууллагад туршлага болохуйц  амжилттай сайн хэрэгжүүлж байгааг онцлон дурдав.

Нийгмийн даатгалын салбарын ажилтнууд нийгмийн даатгалын үйлчилгээний чанар, хүртээмж, бүтээмж, иргэд даатгуулагчийн сэтгэл ханамжийг дээшлүүлэхэд онцгой анхаарч ажиллана гэдэгт итгэлтэй байна.

Нийгмийн даатгалын салбарт Чанарын удирдлагын тогтолцоо олон улсын ISO9001:2008 стандартыг хэрэгжүүлэхэд идэвх санаачлагатай ажиллаж буй нийт ажилтан, албан хаагчиддаа ажлын өндөр амжилт хүсье.

 

ЧАНАРЫН УДИРДАХ ХОРОО

ХОЛБООТОЙ МЭДЭЭ
X