Facebook хуудас ЭМНДЕГ Холбоо барих
Үндсэн цэс
Түгээмэл асуулт, хариулт

Тэтгэврийн шинэчлэлийг иргэдэд чиглүүлж байна

2017 ОН “ЭЕРЭГ ХАНДЛАГА-ЧАНАРТАЙ ҮЙЛЧИЛГЭЭ”-НИЙ ЖИЛ


ЭРҮҮЛ МЭНД, НИЙГМИЙН ДААТГАЛЫН ЕРӨНХИЙ ГАЗАР 

 ДААТГУУЛАГЧ ТАНД ҮЙЛ АЖИЛЛАГААГАА ТАЙЛАГНАЖ БАЙНА



 - 25.8 мянган тэтгэвэр авагч өөрийн сонгосон банкаар дамжуулан тэтгэврээ авч эхэллээ

Тэтгэврийн зээлийн хүүг бууруулах зорилтын хүрээнд тэтгэвэр авагч өөрийн сонгосон банкаар тэтгэврээ авах нөхцөлийг бүрдүүллээ. Ингэснээр банкуудын хооронд шударга өрсөлдөөн бий болж, банкны бүтээгдэхүүн, үйлчилгээний төрөл, хэлбэр өргөжих, нөхцөл зөөлрөх, шимтгэл хураамжийн хэмжээ багасах, улмаар тэтгэврийн зээлийн хүүг бууруулах боломж бүрдэнэ гэж үзсэнээр Хөдөлмөр, нийгмийн хамгааллын сайдаас өгсөн чиглэлийн дагуу өнгөрсөн оны 11 дүгээр сараас эхлэн тэтгэвэр авагч өөрийн сонгосон банкаар тэтгэврээ авах боломжийг бүрдүүлснээр 25.8 мянган тэтгэвэр авагч энэхүү үйлчилгээнд хамрагдаад байна.

- Тэтгэврийн зээлийн жилийн хүүг 18 хувиас 15 хувь болгон буурууллаа

Монгол Улсын Засгийн Газрын 2016-2020 оны үйл ажиллагааны хөтөлбөрт тусгагдсан “Тэтгэврийн зээлийн хүүг бууруулах” зорилтыг хэрэгжүүлэх хүрээнд Эрүүл мэнд, нийгмийн даатгалын ерөнхий газар ХААН болон Төрийн банктай “Хамтран ажиллах гэрээ” байгуулж, эдгээр банкуудаас тэтгэвэр авч байгаа 338.8 мянган тэтгэвэр авагчдад тэтгэврийн зээлийн жилийн хүүг 18 хувиас 3 пунктээр бууруулан 15 хувийн хүүтэйгээр, хөнгөлөлттэй нөхцөлөөр олгох ажлыг энэ оны 01 дүгээр сараас эхлэн хэрэгжүүлж байна. Өнөөдрийн байдлаар нийт 30.9 мянган тэтгэвэр авагч 25.9 тэрбум төгрөгийн зээлийг бууруулсан хүүтэйгээр авч 192.0 орчим сая төгрөгийн хүүгийн дарамтаас чөлөөлөгдөж байгаа нь тэдний сэтгэлд нийцсэн үр дүнтэй ажил болж байна. Цаашид бусад банкуудтай тэтгэврийн зээлийн хүүг бууруулах чиглэлээр хамтран ажиллах холбогдох судалгаа хийж байна.

- Тэтгэврээ шимтгэл, хүүгүйгээр урьдчилан авах боломж бүрдлээ

Нийгмийн даатгалын сангаас олгох тэтгэвэр, тэтгэмжийн тухай, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай Цэргийн алба хаагчийн тэтгэвэр, тэтгэмжийн тухай хуульд заасан нөхцөл, болзлын дагуу тэжээгчээ алдсан иргэд, хөдөлмөрийн чадвараа алдаж, ажил хөдөлмөр эрхлэх боломжгүй болсон 100.1 мянган тэтгэвэр авагчдын нийгмийн болон эрүүл мэндийн хэрэгцээ шаардлагад нь дэмжлэг үзүүлэх зорилгоор 3 хүртэлх сарын тэтгэврийн 50 хүртэлх хувьтай тэнцэх хэмжээний тэтгэврээ ямар нэгэн хүү, шимтгэлгүйгээр урьдчилж авах нөхцөлийг бүрдүүлэн энэхүү арга хэмжээг 2017 оны 03 дугаар сараас эхлэн зохион байгуулж байна.

2017 оны 2-р сар

 - Тэтгэвэр тогтоолт, олголтыг шалган 381.5 мянган тэтгэвэр авагчийн хувийн хэргийг шалган баталгаажууллаа

Иргэдээс Хөдөлмөр, нийгмийн хамгааллын яам, агентлаг, газар, хэлтсүүдэд ирүүлсэн өргөдөл, гомдлыг шийдвэрлэх зорилгоор тэтгэвэр авагчдын тэтгэврийн тогтоолт, олголтыг шалгах, одоо авч байгаа тэтгэврийн хэмжээг баталгаажуулах, иргэд өөрийн авч байгаа тэтгэврийн хэмжээнд итгэлтэй байх, үр дүнг нь олон нийтэд мэдээлэх зорилгоор “Тэтгэврийн тогтоолт, олголтыг шалгах аян”-ыг улсын хэмжээнд зохион байгууллаа.

Аяны хүрээнд нийгмийн даатгалын сангаас болон цэргийн тэтгэвэр авч байгаа 381.5 мянган тэтгэвэр авагчийн тэтгэвэр тогтоолтын хувийн хэргийг шалган баталгаажууллаа. Эрүүл мэнд, нийгмийн даатгалын хэлтсүүдэд тэтгэврийн тогтоолтоо шалгуулах хүсэлтэй өөрийн биеэр гаргаж хандсан 12.4 мянган иргэний өргөдлийг хүлээн авч шийдвэрлэв. Энэхүү ажлын хүрээнд Эрүүл мэнд, нийгмийн даатгалын төв, орон нутгийн 30 хэлтсийн 200 гаруй байцаагч, ажилтнууд болон Хөдөлмөр, нийгмийн хамгааллын яам, Эрүүл мэнд, нийгмийн даатгалын ерөнхий газрын давхар хяналтын хамтарсан баг уртасгасан цагаар ажиллав.

Аяны үр дүнд урьдчилсан байдлаар 1.1 тэрбум төгрөгийн зөрчлийг илрүүлж, үүнтэй холбоотойгоор холбогдох хууль тогтоомжид нэмэлт, өөрчлөлт оруулах, дүрэм, журмыг шинэчлэх саналыг боловсруулах, байцаагчдын хууль тогтоомжийн мэдлэгийг сайжруулах, тэдний ёс зүй, хариуцлагыг өндөржүүлэх, тэтгэвэр авагчдын тоотой уялдуулан байцаагчийн норм, нормативыг шинэчлэн тогтоох, хэлтсүүдийн бүтэц, зохион байгуулалт, дотоод үйл ажиллагааг сайжруулах зэрэг арга хэмжээг хэрэгжүүлэх зайлшгүй шаардлагатай байна. Иймд Эрүүл мэнд, нийгмийн даатгалын байгууллага нь энэхүү үндэслэл шаардлагын дагуу тодорхой ажлуудыг хэрэгжүүлэхээр төлөвлөн ажлаа эхлүүлээд байна. 

 - Хөдөлмөрийн чадвар алдалтыг тогтооход баримтлах өвчний жагсаалтыг шинэчлэн 1504 иргэний тэтгэврийг хэвээр нь олгохоор шийдвэрлэлээ

Хөдөлмөр, нийгмийн хамгааллын сайдын хөдөө, орон нутагт ажиллах үед даатгуулагч иргэдээс гаргасан өргөдөл, гомдлыг шийдвэрлэх зорилгоор Ажлын хэсэг байгуулан ажиллуулснаар “Даатгуулагч (иргэн)-ийн хөдөлмөрийн чадвар алдалтыг тогтооход баримтлах ердийн болон мэргэжлээс шалтгаалсан өвчний жагсаалт, хувь хэмжээ, хугацаа”-г Хөдөлмөр, нийгмийн хамгааллын болон Эрүүл мэндийн сайдын хамтарсан тушаалаар өөрчлөн батлуулж, тэтгэврийн хэмжээ нь буурсан болон тэтгэвэр нь зогсоогдсон 1504 иргэний тахир дутуугийн тэтгэврийн асуудлыг шийдвэрлэв.

Бусад мэдээллүүд
2014 оны 03 сарын 27
2016 оны 03 сарын 04
Нийгмийн даатгалын байгууллага 2016 оны 2 дугаар сарын байдлаар нийгмийн даатгалын сангийн орлогын төлөвлөгөөг 107.99 хувиар давуулан биелүүлж 179 тэрбум 526.7 сая төгрөгийг нийгмийн даатгалын санд төвлөрүүллээ. Нийслэлийн харъяа дүүргүүдийн Нийгмийн даатгал...
2013 оны 05 сарын 01
Ажилласан жил, тэтгэврийн даатгалын шимтгэлийг нөхөн тооцох тухай хуулийн хэрэгжилтийн явц, үр дүнгийн тухай мэдээллийг Нийгмийн даатгалын ерөнхий газрын даргын зөвлөлийн 2013 оны 4 дүгээр сарын 29-ний өдрийн хурлаар авч хэлэлцлээ. Ажилласан жил, тэтгэврийн д...
2015 оны 01 сарын 30
2014 оны 01 дүгээр сарын 29-ний өдрийн УИХ-ын Чуулганы нэгдсэн хуралдаанаар Эрүүл мэндийн даатгалын тухай хуулийн /шинэчилсэн найруулга/ эцсийн хэлэлцүүлгийг хийлээ. НББСШУ-ны Байнгын хороон дээр дэмжлэг авсан тус хуулийн төслийг нэгдсэн хуралдаанд оролцсон г...
2014 оны 06 сарын 23
Нийгмийн даатгалын үндэсний зөвлөлийн 2014 оны 5 дугаар сарын 28-ны өдрийн 17 дугаар тогтоолоор “Эрүүл мэндийн даатгалд даатгуулагчийг урамшуулах журам”-ыг баталлаа. Энэхүү журмаар эрүүл мэндийн даатгалын шимтгэлээ хугацаанд нь жил бүр тогтмол...
Асуулт хариулт
Асуулт:
9000 төгрөгт багтаж байвал нэмэлт төлбөр авахгүй
Хариулт:
-Өмнө нь улсын эмнэлгүүд зөвхөн хүүхдийн шүдийг эмчлэх, оношлоход эрүүл мэндийн даатгалаас санхүүжилт авдаг байсан. Харин эрүүл мэндийн даатгалаас сан...
Санал асуулга
Нэвтрэх
Нэвтрэх нэр:
Нууц үг: