Facebook хуудас ЭМНДЕГ Холбоо барих
Цахим үйлчилгээ
Үндсэн цэс
Түгээмэл асуулт, хариулт

Сонгон шалгаруулалтын урилга

2017 оны 04 дүгээр сарын 20-ны өдөр

Засгийн газрын хэрэгжүүлэгч агентлаг-Эрүүл мэнд, нийгмийн даатгалын ерөнхий газар нь Монгол улсын Засгийн газраас хэрэгжүүлж буй “ЭЛЭГ БҮТЭН МОНГОЛ” хөтөлбөрийн хүрээнд “Элэгний С вирусийн ачаалал тоолох” шинжилгээ хийх лабораториудыг сонгон шалгаруулах үйл ажиллагааг улсын хэмжээнд зохион байгуулах гэж байна.

Энэхүү сонгон шалгаруулалтын үйл ажиллагаа нь Нийгмийн даатгалын үндэсний зөвлөлийн баталсан “Эрүүл мэндийн даатгалын сангаас зардлын төлбөрийг хариуцах тусламж үйлчилгээ үзүүлэх эрүүл мэндийн байгууллагыг сонгон шалгаруулах журам”-ын хүрээнд явагдана.

Нийслэл Улаанбаатар хот болон орон нутагт үйл ажиллагаа явуулж байгаа, тусгай зөвшөөрөл бүхий өмчийн бүх хэлбэрийн лабораториудыг сонгон шалгаруулалтад урьж байна.

Сонгон шалгаруулалтад оролцох хүсэлтэй байгууллага нь доорх баримт бичгийг бүрдүүлж, 2017 оны 05 дугаар сарын 08-ны өдрийн 11 цагаас өмнө Эрүүл мэнд, нийгмийн даатгалын ерөнхий газрын Эрүүл мэндийн даатгалын бодлогын хэрэгжилтийн газарт битүүмжлэн ирүүлнэ үү.

Сонгон шалгаруулалтад бүрдүүлэх баримт бичгийн жагсаалт:

 1. Сонгон шалгаруулалтад оролцох тухай байгууллагын албан хүсэлт;

2. Байгууллагын болон лабораторийн танилцуулга;

3. Байгууллагын улсын бүртгэлийн гэрчилгээ болон лабораторийн тусгай зөвшөөрлийн гэрчилгээний хуулбар;

4. Молекул биологийн шинжилгээ хийх лабораторийн зохион байгуулалтын бүдүүвч зураг;

5. Молекул биологийн шинжилгээ хийх багаж, тоног төхөөрөмжийн жагсаалт, танилцуулга;

6. Лабораторийн хүний нөөцийн чадавхийн мэдээлэл;

7. Чанар, аюулгүй байдлыг хангасан урвалжийн жагсаалт, хүчинтэй хугацаа, ханган нийлүүлэгч байгууллагуудтай байгуулсан гэрээ;

8. Молекул биологийн шинжилгээний арга аргачлал /САЗ /;

9. Шинжилгээний чанарын дотоод хяналтын карт хөтөлсөн байдал /сүүлийн 1 сар /;

10. Лабораторид хийгдэж буй вируст гепатитын шинжилгээний жагсаалт, /серологи, молекул биологийн/ тусламж үйлчилгээний төлбөрийг баталсан даргын тушаал;

11. Дотоод аудитын тайлан, сайжруулах арга хэмжээний төлөвлөгөө, түүний гүйцэтгэл;

12. Лавлагаа лаборатори, зөвлөх мэргэжилтэнтэй хамтарч ажилладаг эсэх;

13. Лаборатори хоорондын харьцуулалт, гадаад үнэлгээний хөтөлбөрт оролцсон байдал /олон улсын хөтөлбөрт хамрагдсан сертификат/;

14. Лабораторийн өдөр тутмын үйл ажиллагааг бүртгэх, статистик мэдээлэл, тайлан, мэдээ гаргах, хариу гаргах зэрэг үйл ажиллагаа нь цахим хэлбэрт шилжсэн байдал;

15. Нийгмийн даатгалын  шимтгэл төлөлтийн 2016 оны болон 2017 оны эхний 3 сарын  тайлан  /НД-7, НД-8 маягтаар /;

16. Орлогын албан татварын 2016 оны болон 2017 оны 1 дүгээр улирлын тайлан;

17. Шүүхийн шийдвэр гүйцэтгэх газраас өр авлагагүй гэсэн тодорхойлолт ;

18. Мэргэжлийн хяналтын газрын тодорхойлолт /тухайн лабораторийн үйл ажиллагаатай холбоотой гомдол гарсан эсэх талаар/;

19. Эрүүл мэндийн сайдын 2016 оны А/93 дугаар тушаалаар баталсан “Шинжилгээний сорьц тээвэрлэх журам”-ын дагуу сорьц тээвэрлэх боломжтой эсэх;

 

Сонгон шалгаруулах үйл ажиллагааг ажлын хэсэг нь нээлтэд оролцох хүсэлтэй оролцогчдыг байлцуулан 2017 оны 05 дугаар сарын 08-ны өдрийн 15 цагт нээнэ.

  • Сонгон шалгаруулах үйл ажиллагаанд гадаадын этгээдийг оролцуулахгүй бөгөөд  давуу эрх олгохгүй.

 

Бүрдүүлсэн баримт бичгийг ирүүлэх хаяг, хүлээн авах албан тушаалтан:

Улаанбаатар хот, Хан-Уул дүүрэг, 2 дугаар хороо, Нийслэлийн нийгмийн хамгааллын төв байр, Эрүүл мэнд, нийгмийн даатгалын ерөнхий газрын Эрүүл мэндийн даатгалын бодлогын хэрэгжилтийн газар, 602 тоот өрөө.

Сонгон шалгаруулах комиссын нарийн бичгийн дарга Ж.Энхбилэг /Холбоо барих утасны дугаар-99049244

“Эрүүл мэндийн даатгалын сангаас зардлын төлбөрийг нь хариуцах тусламж, үйлчилгээ үзүүлэх эрүүл мэндийн байгууллагыг сонгон шалгаруулах журам”-ыг Эрүүл мэнд, нийгмийн даатгалын ерөнхий газрын www.ndaatgal.mn цахим хуудаснаас  татаж авна уу.

Жич: “Монголын үнэн” сонины 4 дүгээр сарын 20-ны өдрийн дугаарт сонгон шалгаруулалтын зар тавигдсан болно.

ЭРҮҮЛ МЭНД НИЙГМИЙН ДААТГАЛЫН ЕРӨНХИЙ ГАЗАР

Бусад мэдээллүүд
2015 оны 01 сарын 30
2014 оны 01 дүгээр сарын 29-ний өдрийн УИХ-ын Чуулганы нэгдсэн хуралдаанаар Эрүүл мэндийн даатгалын тухай хуулийн /шинэчилсэн найруулга/ эцсийн хэлэлцүүлгийг хийлээ. НББСШУ-ны Байнгын хороон дээр дэмжлэг авсан тус хуулийн төслийг нэгдсэн хуралдаанд оролцсон г...
2012 оны 05 сарын 08
Нийгмийн даатгалын төв байгууллагаас 2012 оныг “Даатгуулагч таны төлөө” жил болгон зарласан бөгөөд Монгол Улсад Нийгмийн даатгалын алба үүсч, хөгжсөний түүхт 70 жилийн ойг тохиолдуулан даатгуулагч иргэд, тэдний ажил олгогчдод зориулан НДҮЗ-ийн 2011...
2017 оны 04 сарын 27
2017 ОН “ЭЕРЭГ ХАНДЛАГА-ЧАНАРТАЙ ҮЙЛЧИЛГЭЭ”-НИЙ ЖИЛ ЭРҮҮЛ МЭНД, НИЙГМИЙН ДААТГАЛЫН ЕРӨНХИЙ ГАЗАР ДААТГУУЛАГЧ ТАНД ҮЙЛ АЖИЛЛАГААГАА ТАЙЛАГНАЖ БАЙНА Засгийн газрын үйл ажиллагааны хөтөлбөрт нийгмийн даатгалын үйлчилгээг иргэдийн хэрэгцээ шаард...
2016 оны 03 сарын 31
Монголын эдийн засгийн чуулган зургаа дахь жилдээ Сургамж-Сорилт-Шийдэл уриан дор энэ сарын 30, 31-ний өдрүүдэд Төрийн ордонд болж байна. Монголын эдийн засгийн чуулганы эхний өдрийн салбар хуралдааны нэг нь Нийгмийн даатгалын шинэчлэл байв. Салбар хуралдаан...
2016 оны 06 сарын 07
ТЕНДЕРИЙН УРИЛГА Огноо: 2016 оны 6 дугаар сарын 7 Материал хүлээж авах сүүлийн хугацаа: 2016 оны 7 дугаар сарын 8-ны 11:00 цаг Тендер шалгаруулалтын нэр: Нийгмийн даатгалын байгууллагын албан хэрэгцээнд шаардлагатай “АЖЛЫН БОЛОН ЗӨӨВРИЙН КОМПЬЮТ...
Асуулт хариулт
Асуулт:
Эрүүл мэндийн бүрэн үзлэгт үнэ төлбөргүй орох эрхээр урамшуулна
Хариулт:
-Эрүүл мэндийн даатгал төлсөн хэрнээ ямар нэгэн тусламж үйлчилгээ аваагүй хүмүүст урамшуулал олгох зохицуулалт байна уу? -Дараалсан гурван жилийн хуг...
Санал асуулга
Нэвтрэх
Нэвтрэх нэр:
Нууц үг: