Монгол Улсын Засгийн газрын гишүүн Нийгмийн хамгаалал, хөдөлмөрийн  сайд Т.Ганди  2008 оны 09 сарын 29–нд Монгол Улсын Засгийн газрын хэрэгжүүлэгч агентлаг УНДЕГ–ын ажил байдалтай танилцаж салбарынхаа ажилтнуудтай уулзалт ярилцлага хийлээ. 
Уулзалтын үеэр нийгмийн даатгалын талаархи тулгамдсан асуудлаар УНДЕГ-ын ажилтнуудтай ярилцаж, тэдний асуусан асуултанд хариулан харилцан санал бодлоо солилцов.
Уулзалтын төгсгөлд НХХЯ-ны сайд Т.Ганди нийгмийн даатгалын салбарт эргэлт авчрах үе ирснийг онцлон дурдаад, хамрах хүрээгээ тэлж хүн бүрт хүрч ажиллахыг сануулахын зэрэгцээ дараахь чиг үүргийг өглөө.

• Нийгмийн даатгалд хамруулах хүрээгээ тэлэх
• Нийгмийн даатгалын шимтгэлийн орлогыг нэмэгдүүлэх
• Үйл ажиллагаагаа нягтруулах
• Орон тоо бүтцийн өөрчлөлт хийх
• Ажлын нэгжүүд дээр ачааллаа зохицуулж, зөв хувиарлах
• Нийгмийн даатгалын шимтгэлийн орлогыг нэмэгдүүлэх
• Хэвлэл мэдээллийнхэнтэй нягт холбоотой ажиллах
• Гадаадын ижил төстэй үйл ажиллагаа явуулдаг байгууллагатай танилцаж туршлага солилцох
• Санхүүгийн хариуцлагыг өндөржүүлэх
• Сангийн хөрөнгийг нэмэгдүүлэх