2008.09.25
Нийгмийн даатгалын тухай багц хуулиуд 1995 онд батлагдан шинэ тогтолцоонд шилжсэнээс хойш 13 жил өнгөрсөн байна.Энэ хугацаанд нийгмийн даатгалын хуулинд 20 удаа өөрчлөлт орж нийгмийн даатгалын салбарт амжилт, бүтээлээр арвин мөн бэрхшээлүүдийг туулсан жилүүд байсан.
Нийгмийн даатгалын байцаагч ажилтнуудын нийгмийн даатгалын хууль эрх зүйн талаар болон даатгалын үйлчилгээг иргэдэд түргэн шуурхай хүргэх ажил нь мэргэжлийн ур чадвар шаардсан, ажлын ачаалал, техник ажилбар ихтэй боловч энэ ачааг үүрэн тодорхой амжилтанд хүрсэн.Энэ амжилтаа улам бататгаж нийгмийн даатгалын байгууллагын ажилтнуудыг давтан сургах, нийгмийн даатгалын ажил үйлчилгээний онцлог байдал, шинэчлэлтийн зорилтыг хэрэгжүүлэх үүднээс ажилтнуудын ур чадвар, мэдлэг боловсрол, харилцааны ёс зүй, мэдээллийн технологийн болон гадаад хэл, эрх зүйн боловсролыг дээшлүүлэх зорилт чухлаар тавигдаж байна.
Үүнийг хэрэгжүүлэх нэг алхам болгож 2005 онд нийгмийн даатгалын ажилтнуудын  бүсийн сургалтыг  амжилттай зохион байгуулж байсан.2007 оны сүүлээр болон энэ онд нийгмийн даатгалын хуулинд томоохон  өөрчлөлт орж 2008.05.08-наас эхлэн мөрдөгдөж байгаатай холбогдуулан нийгмийн даатгалын ажилтнуудыг бүсчилсэн сургалт, семинарт хамруулах, мөн нийгмийн даатгалын улсын байцаагчийн эрх олгох шалгалтыг авах ажлыг  зохион байгуулж байна.
2008.09.17-19-нд Говь-Алтай аймгийн Гуулин тосгонд баруун бүсийн нийгмийн даатгалын ажилтнуудын сургалт, семинарыг зохион байгуулж сургалтанд Баян-өлгий, Увс, Ховд, Завхан, Баянхонгор, Говь-Алтай аймгийн нийт 143 байцаагч, ажилтнууд хамрагдлаа.Тус сургалтын үеэр Эрх зүйн шинэчлэлт, Нийгмийн даатгалын хуулинд орсон нэмэлт өөрчлөлт, Нийгмийн даатгалын сангийн болон үйл ажиллагааны төсвийн төсөл, төлөвлөгөөнд анхаарах асуудал, Нийгмийн даатгалын сангийн бүртгэл мэдээлэл тайлан  тэнцлийн тухай болон нийгмийн даатгалын өр авлага зэрэг олон асуудлаар УНДЕГ-ын мэргэжилтэн багш нар хичээл заалаа.Энэ үеэр 64 байцаагч улсын байцаагчийн эрх олгох шалгалтанд орсон.
УНДЕГ-ын дарга Ч.Алтанхуяг, Тамгын газрын дарга М.Баттогтох, ХМГ-ын орлогч дарга Ё.Пүрэвцэрэн нар сургалт семинарт оролцсон ажилтнуудын сонирхсон асуултанд хариулж тэдэнтэй санал бодлоо хуваалцлаа.