- Юуны өмнө зөвлөгөөнд төлөөлөгчөөр сонгогдон ирсэн та бүхэнд Нийгмийн даатгалын байгууллагын нэрийн өмнөөс баяр хүргэе.
Салбар хуралдаанаас нэгдсэн хуралдаанд оруулах зөвлөмжинд дараахь асуудлыг тусгаж өгнө үү гэж хүсч байна. Үүнд:
“Нийгмийн даатгалын тогтолцоог зах зээлийн жишигт нийцүүлэн хөгжүүлэх, сангийн бие даасан байдлыг хангах, сангийн чөлөөт үлдэгдлийг санхүүгийн зах зээлд татан оруулснаар даатгуулагчийн хөрөнгийг найдвартай өсгөн нэмэгдүүлэх чиглэлээр хууль, эрх зүйн орчинг бүрдүүлэх”
Анхаарал тавьсанд баярлалаа. Та бүхэнд амжилт хүсье.

Нэгдсэн хуралдаанд УНДЕГ-ын ерөнхий нягтлан бодогч Ц. Эрдэнэтуяагийн хэлсэн үгнээс

2007-10-02

Хүндэт зочид, төлөөлөгч та бүхэнд Нийгмийн даатгалын төв, орон нутгийн байгууллагын нэрийн өмнөөс талархал илэрхийлье.
Нийгмийн даатгалын салбарын төлөөлөгчдийн санал бодлыг та бүхэнтэй хуваалцах боломж олгосонд баярлалаа.
Нийгмийн даатгалын алба үүсч хөгжөөд 65 жил, Нийгмийн даатгалын тухай хуулийг хэрэгжүүлсээр12 жил болж байна.
Нийгмийн даатгалын байгууллага нягтлан бодох бүртгэлийн олон улсын стандартыг амжилттай нэвтрүүлэн хэрэгжүүлж байна. Стандартыг нэвтрүүлснээр нийгмийн даатгалын сангийн чадавхийг бодитойгоор үнэлэх, даатгуулагч бүрээр бүртгэл, тооцоог хөтлөх боломжийг хангасан.
Нийгмийн даатгалын салбарыг зах зээлийн жишигт нийцүүлэн даатгалын зарчмаар ажиллуулж, хөгжүүлэх зайлшгүй шаардлага тулгарч байна. Өнөөдөр “Нийгмийн даатгал” нэртэй боловч орлого нь төсвийн орлого, зарлага нь төсвийн зарлага болж, даатгал нь төсөв болоод байна. Иймд хууль, эрх зүйн орчинг өөрчлөх хэрэгтэй. Үүнд:
1. Засгийн газрын үйл ажиллагааны мөрийн хөтөлбөрт “Нийгмийн даатгалын сангийн бие даасан байдлыг баталгаажуулж, уг санг эрсдэлээс хамгаалах бодлого хэрэгжүүлнэ.” гэж тусгасан байгаа. Энэ заалтыг хэрэгжүүлэхийн тулд Нийгмийн даатгалын шимтгэлийн орлогыг улсын төсвийн орлогын бүрдэлдэхүүнээс гаргах асуудлыг Монгол Улсын Нэгдсэн төсвийн тухай хуульд өөрчлөлт оруулах замаар шийдвэрлэх;
2. Аж ахуйн нэгж, байгууллага шимтгэл төлөхөөс зайлсхийдэг, дампуурдаг, гадаадын хөрөнгө оруулалттай байгууллагууд Монголын аж ахуйн нэгжийн байр, тоног төхөөрөмжийг түрээсэлж байгаад алга болдог зэргээс шалтгаалж олон иргэд, даатгуулагч хохирдог. Үүнээс урьдчилан сэргийлэх зорилгоор эрсдэлийн сан буюу нөөцийн сан бий болгох, Ниймийн даатгал “даатгал” мөн юм бол эрсдэлийн сан буюу нөөцтэй байх ёстой.
3. Нийгмийн даатгалын сангаас 1995 оноос өмнө тэтгэвэр тогтоолгосон иргэд болон цэргийн тэтгэвэрт зарцуулсан хөрөнгө, төрөөс хариуцах иргэдийн эрүүл мэндийн даатгалын шимтгэлийг Засгийн газар бүрэн төлөх, өнөөдөр тэтгэврийн даатгалын сангийн орлого, зарлагын зөрүүг улсын төсвөөс нөхөх байдлаар төлөвлөлт хийдэг байдлыг өөрчлөх, зах зээл хөгжсөн оронд даатгалын байгууллагад улсын төсвөөс татаас өгнө гэсэн ойлголт байхгүй, манай улс даатгалын биш халамжийн тогтолцоо руу яваад байгааг өөрчлөх;
4. Нийгмийн даатгалын санхүүгийн тайлангаар төрөөс хариуцах иргэдийн эрүүл мэндийн даатгалын шимтгэлийн 1.0 тэрбум, тэтгэврийн 150.0 тэрбум төгрөгийн улсын төсвөөс авах авлагатай гарч байгааг Засгийн газар, Нийгмийн даатгалын байгууллага хоорондоо тооцоо нийлж, баталгаажуулж байх, Энэхүү хуримтлагдсан хөрөнгийг жил бүрийн улсын төсөвт тодорхой хэмжээгээр тусгах замаар Нийгмийн даатгалын санд эргүүлэн айршуулах;
5. ийгмийн даатгалын сангийн мөнгөн хөрөнгө байнга найдвартай өсөн нэмэгдэж байх, Тухайлбал, сангийн хуримтлалын тодорхой хувийг Засгийн газрын бонд, үнэт цаас, гадаад, дотоодын хөрөнгийн биржээс давхар даатгал бүхий хувьцаа худалдан авах, үл хөдлөх хөрөнгө, барилгын салбарт хөрөнгө оруулалт хийх зэрэг санхүүгийн зах зээлд оруулах, тэтгэврийн даатгалын шимтгэлийн нэрийн дансны тухай хуулийг хэрэгжүүлэх боломжийг хангах