Бүртгэл, санхүү, эдийн засгийн тэргүүний ажилтны улсын 4 дүгээр зөвлөгөөнд төв, орон нутгаас Нийгмийн даатгалын байгууллагыг төлөөлж сонгогдон ирсэн төлөөлөгчдийг Улсын Нийгмийн даатгалын ерөнхий газрын дэд дарга Ц. Уртнасан зөвлөлийн гишүүн Бодлогын хэрэгжилт, санхүүгийн газрын дарга Д. Баярсайхан, Хамтын ажиллагааны газрын дарга Ч. Давгадорж, Эрүүл мэндийн газрын дарга Ч. Оюун, Хяналт, үнэлгээний газрын дарга Б.Батбаатар нар хүлээн авч уулзав.
Төлөөлөгчид зөвлөлийн гишүүдэд зөвлөгөөний тухай танилцуулахын зэрэгцээ төв, орон нутагт тулгарч байгаа асуудал, Нийгмийн даатгалын салбарын цаашдын зорилт, хөгжлийн чиг хандлагын тухай ярилцлаа.
Уулзалтаар “Сайн бүртгэл” уралдааны дүнг танилцуулж, олон жил, идэвх зүтгэлтэй ажилласан зарим ажилтнуудыг шагнаж урамшуулав.
Зөвлөлийн гишүүд, төлөөлөгч нар дурсгалын зураг авахуулж, бэлэг, дурсгалын зүйл солилцов.