“Шударга ёсны төлөө - 2009” шагнал гардуулах ёслолын арга хэмжээг авлигын эсрэг өдөр буюу арванхоёрдугаар сарын 9-нд Авлигатай тэмцэх газраас зохион байгуулав.
Олон улсын “Трансперенси интернэшнл” байгууллагаас санаачилсан дэлхий дахинд нэр хүндтэй энэхүү шагналын монгол хувилбар болох “Шударга ёсны төлөө” өргөмжлөлийг дөрвөн номинациар  олгосноос “Авлигаас татгалзсан  хамт олон - 2009” шагналын эзнээр Чингэлтэй дүүргийн нийгмийн даатгалын хэлтэс шалгарлаа.

Чингэлтэй дүүргийн нийгмийн даатгалын хэлтсийн хамт олон иргэд даатгуулагчдад төрийн үйлчилгээг  хөнгөн шуурхай, чирэгдэлгүй, соёлтой хүргэж байгааг  олон нийт, ард иргэдийн дунд явуулсан санал асуулгаар тодруулжээ.
Шагнал гардуулах үеэр Чингэлтэй дүүргийн нийгмийн даатгалын хэлтсийн дарга Э.Эрдэнэтуул “Энэ нь бидэнд ард иргэддээ хөнгөн шуурхай, чирэгдэлгүй үйлчилж, үүрэг хариуцлагаа улам нэмэгдүүлж ажиллах урам өглөө. Манай хамт олон өмнөх амжилтын түвшингээ бууруулахгүй маш сайн ажиллах болно” гэлээ.
Энэхүү шагналыг  Авлигатай тэмцэх газраас хоёр дахь жилдээ олгож байгаа юм.