-Орчин үед аль ч байгууллагад гадаад харилцаа маш чухал болжээ. Тиймээс гадаад харилцааны талд ямар ямар ажил хийж буй талаар эхлээд сонирхоё.
-Нийгмийн даатгалын ерөнхий газрын гадаад харилцааны гол зорилго нь гадаадад байгаа монголчуудынхаа нийгмийн асуудлыг шийдэхэд нь туслалцаа үзүүлэх явдал. Хүмүүсийн хамгийн сайн мэдэх жишээ татья. БНСУ-тай Засгийн газар хоорондын гэрээ байгуулснаар тэнд албан ёсоор ажиллаж байгаа монголчууд маань Монголынхоо нийгмийн даатгалд хамрагдах боломжтой болсон. Тодруулж хэлбэл, тэд Солонгост шимтгэлээ төлөөд, дараа нь Монголдоо ирээд шууд тэтгэвэр, тэтгэмжинд хамрагдаад явах боломжийг нээсэн. Энэ ажил хийгдээд хоёр, гурван жил болж байна. Яг үүнтэй адилаар БНЧУ-тай Засгийн газар хоорондын гэрээ байгуулах хоёр дахь шатны уулзалтыг Улаанбаатарт амжилттай хийлээ. Эхний шатны уулзалт 2008 онд Праг хотод болсон юм.

Дэлгэрэнгүй   

Нийгмийн даатгалын байгууллагуудын удирдах ажилтны ээлжит семинар Нийгмийн даатгалын ерөнхий газарт маргааш эхэлнэ. Гурван өдөр үргэлжлэх сургалт семинарын нээлтэд Нийгмийн хамгаалал, хөдөлмөрийн сайд Т.Ганди оролцох аж. Аймаг, нийслэл, дүүргийн нийгмийн даатгалын газар, хэлтсийн удирдах ажилтнууд оролцож байгаа энэ семинараар нийгмийн даатгалын багц хуулиуд, түүний хэрэгжилт, 2009 онд хийж гүйцэтгэсэн ажил, цаашид авч хэрэгжүүлэх арга хэмжээ, тулгамдаж буй асуудлуудыг хэлэлцэж, түүнийг хэрхэн шийдвэрлэх талаар харилцан санал солилцох юм байна.

Дэлгэрэнгүй   

Манай орны ихэнх нутгаар их хэмжээний цас орж, цаг агаарын байдал хүндэрсний улмаас хөдөө орон нутагт зуд нүүрлэж, хүйтний эрч чангаран гамшгийн нөхцөл байдал үүсээд байгаа билээ.
Үүнтэй холбогдуулан Нийгмийн хамгаалал, хөдөлмөрийн сайд Т.Ганди Улсын онцгой комиссоос нийт ард түмэнд хандаж гаргасан уриалгыг дэмжиж ажиллахыг яам, харьяа агентлаг, төслийн удирдлагуудад даалгалаа.
Уг албан даалгаварт малчдад хандив, тусламж үзүүлэх ажлыг хариуцсан салбар байгууллага, хамт олны хүрээнд зохион байгуулах, хөдөө орон нутгийн ажилгүй иргэдийг туслах малчнаар ажиллуулах, өвс тэжээл ачиж буулгах, малын хашаа, хороо дулаалах, зам, даваа гүвээ цэвэрлэх зэрэг ажлыг холбогдох хууль, батлагдсан төсөв, нийтийг хамарсан ажлын хүрээнд ажилгүй иргэдийг Хөдөлмөр эрхлэлтийг дэмжих сангаас цалинжуулан ажиллуулах юм байна.

Дэлгэрэнгүй   

-Саяхан таныг БНСУ руу яваад ирсэн гэж дуулсан. БНСУ-д ажиллаж амьдарч байгаа монгол иргэдийн нийгмийн даатгалын хамрагдалт ямар байна вэ?
-Солонгост гэрээгээр ажиллаж байгаа монгол иргэдийг нийгмийн даатгалд хамруулах, нийгмийн даатгалын үйлчилгээг хүргэх ажлыг Нийгмийн даатгалын ерөнхий газрын Солонгос дахь төлөөлөгчийн газар хариуцаж хийдэг. Манай төлөөлөгчийн газар долоон хүний бүрэлдэхүүнтэй. Солонгост байгаа иргэдийг нийгмийн даатгалд хамруулахаас гадна өмнө нь тэнд ажиллаж байгаад буцсан хүмүүсийн Солонгосын талд шилжүүлсэн шимтгэлийг буцааж монгол иргэддээ авч өгөх үйлчилгээ явуулдаг. Энэ ажил хэрэгжиж  эхэлснээс хойш нийт 9059 хүний 9 тэрбум 830 сая гаруй  вонныг нэхэмжилж авсан байна.

Дэлгэрэнгүй   

-Танай газрын бүтцийн өөрчлөлтөөр Хуримтлалын сангийн удирдлагын хэлтэс шинээр байгуулагдсан гэж сонссон. Тиймээс танай хэлтсийн гол чиг үүргийг сонирхмоор байна л даа. Эндээс ярилцлагаа эхэлбэл ямар вэ?
-Нийгмийн даатгалын үндэсний зөвлөл 2009 оны нэгдүгээр сард НДЕГ-ын бүтцийг батлахдаа Нийгмийн даатгалын сангийн чөлөөт үлдэгдэл, хуримтлалын сангийн хөрөнгийг хөрөнгө оруулалтад байршуулах, эрсдлийн удирдлагаар хангах, нийгмийн даатгалын сангийн тооцоололт, хураамж, шимтгэлийн тооцоог хийх чиг үүрэг бүхий Хуримтлалын сангийн удирдлагын хэлтсийг байгуулсан. Одоо бид дөрвөн орон тоотойгоор ажиллаж байна. 

Дэлгэрэнгүй   

“Шударга ёсны төлөө - 2009” шагнал гардуулах ёслолын арга хэмжээг авлигын эсрэг өдөр буюу арванхоёрдугаар сарын 9-нд Авлигатай тэмцэх газраас зохион байгуулав.
Олон улсын “Трансперенси интернэшнл” байгууллагаас санаачилсан дэлхий дахинд нэр хүндтэй энэхүү шагналын монгол хувилбар болох “Шударга ёсны төлөө” өргөмжлөлийг дөрвөн номинациар  олгосноос “Авлигаас татгалзсан  хамт олон - 2009” шагналын эзнээр Чингэлтэй дүүргийн нийгмийн даатгалын хэлтэс шалгарлаа.

Чингэлтэй дүүргийн нийгмийн даатгалын хэлтсийн хамт олон иргэд даатгуулагчдад төрийн үйлчилгээг  хөнгөн шуурхай, чирэгдэлгүй, соёлтой хүргэж байгааг  олон нийт, ард иргэдийн дунд явуулсан санал асуулгаар тодруулжээ.

Дэлгэрэнгүй   

Дэлхий дахинд нүүрлэсэн санхүү, эдийн засгийн хямрал Монгол орныг мэдээж тойрсонгүй. Энэхүү хямралыг гарз хохирол багатай туулаасай, чингэхэд нь дэмжлэг туслалцаа болоосой гэсэн нэгэн үзүүрт сэтгэлээр нийгмийн даатгалын байгууллага өөрсдийн санаачилгаар иргэд даатгуулагчид, ажил олгогч эздэдээ янз бүрийн хөнгөлөлт, чөлөөлөлт үзүүлсээр ирлээ. Тухайлбал, нийгмийн даатгалын тухай хуулиудад нэмэлт, өөрчлөлт оруулах замаар өвчтөн сахисны тэтгэмж гэсэн шинэ бүтээгдэхүүн үйлчилгээг бий болголоо, хугацаандаа төлөөгүй шимтгэлд ногдуулах хоногийн 0.3 хувийн алданги тооцох хариуцлагын тогтолцооны үйлчлэлийг түр зогсоолоо.

Дэлгэрэнгүй   

Нийгмийн даатгалын ерөнхий газрын Бодлогын хэрэгжилт, төлөвлөлтийн газрын дарга Ц.Дашдондогтой уулзаж цаг үеийн асуудлаар ярилцлаа.           
-Нийгмийн даатгалын байгууллага  үүргээ  хэрхэн хэрэгжүүлж буй, нийгмийн даатгалын сангийн санхүүгийн байдал ямар байгаа юм бэ гэдгээс яриагаа эхлэх үү?         
-Ер нь бол удирдах дээд шатны байгууллагууд, харилцагч, шимтгэл төлөгч байгууллага, даатгуулагчид манай ажилд үнэлэлт, дүгнэлт өгөх учиртай л даа. Нийгмийн даатгалын бүх шатны байгууллагуудын хувьд  нийгмийн даатгалын сан бүрдүүлэх, уг сангаас тэтгэвэр, тэтгэмж олгох үндсэн үүргээ зохих түвшинд хэрэгжүүлж байгаа гэдгийг хэлэх байна.  Нийгмийн даатгалын сангуудын хувьд тухайн жилийн бүрдүүлсэн орлого, чөлөөт үлдэгдлээрээ тэтгэвэр, тэтгэмж, төлбөр, эмчилгээний зардлаа бүрэн санхүүжүүлж, нийтдээ 190-ээд тэрбум төгрөгийн үлдэгдэлтэй, даатгалын үйл ажиллагааг хэвийн, тасралтгүй явуулах  мөнгөн хөрөнгийн  нөөц боломжтой байгаа.

Дэлгэрэнгүй   

Нийгмийн даатгалын ерөнхий газраас 1960 оноос хойш төрсөн хүмүүст нэрийн дансных нь талаарх мэдээлэх хуудсыг илгээхээр болжээ. Энэ талаар тус газрын Мэдээлэл, тооцоолол, сургалтын төвийн захирал Г.Хүрэлбаатараас тодрууллаа.

-Иргэдэд нэрийн дансны Мэдээлэх хуудас өгөхөөр болжээ. Энэ хуудсанд ямар ямар мэдээлэл байх юм бол?
-1960 он ба түүнээс хойш төрсөн даатгуулагчийн 2008 оны жилийн эцсийн байдлаарх тэтгэврийн даатгалын шимтгэлийн нэрийн дансны мэдээлэх хуудсыг удахгүй иргэдэд хэвлэн хүргэх гэж байна. Энэ хуудсанд даатгуулагчийн овог, нэр, регистрийн дугаар, гарааны үлдэгдэл (2000 оноос өмнө төлж байсан тэтгэврийн даатгалын шимтгэл), эхний үлдэгдэл (2000-2007 онд төлсөн шимтгэл ба түүнд тооцсон хүү), 2008 оны хөдөлмөрийн хөлс, түүнтэй адилтгах орлого /сар бүрээр/, тэдгээрт харгалзах  тэтгэврийн даатгалын шимтгэлийн дүн, хүү, эцсийн үлдэгдлийн дүн нь бичигдсэн байх юм. Мөн даатгуулагчийн нэрийн дансны үлдэгдлийг тооцсон тооцооны аргачлал, зааврыг хамт хэвлэж хүргүүлнэ.
-Тухайн хүний нэрийн дансанд хэдэн төгрөгийн шимтгэл төлөгдөж байгааг мэдэж болох нь ээ гэж ойлгож болох уу?
-Тийм ээ. Мэдээлэх хуудаснаас гадна удахгүй нэрийн дансны талаар тодорхой мэдээлэл агуулсан вэб хуудас нээхээр төлөвлөж байгаа. Эндээс та нэрийн дансны тооцоогоо он оноор харах, шаардлагатай бол нийгмийн даатгалын дэвтэр дээрх шимтгэлийн дүнгээ оруулан өөрөө тооцож үзэх, мөн мэдээлэх хуудсанд бичигдсэн тоотой тулгаж шалгах боломж бүрдэнэ. Ингэснээр ямар нэг зөрүү байвал харьяа Нийгмийн даатгалын хэлтэс дээрээ очиж залруулах боломж гарах юм.

Дэлгэрэнгүй