- Тэтгэврийн даатгалын шимтгэлийн нэрийн дансыг ямар хүмүүст нээх вэ?
1960 оны 1 дүгээр сарын 1-ний өдөр ба түүнээс хойш төрсөн дараах иргэдэд нэрийн данс нээнэ. Үүнд:
Ш Нийгмийн даатгалын шимтгэл төлж ажиллаж байгаа болон сайн дураар даатгуулж байгаа даатгуулагч;
Ш 1995 оноос өмнө болон хойно ажиллаж байсан боловч нэрийн данс нээх үед шимтгэл төлж ажиллаагүй иргэн;
Ш Дээр дурдсан 2 болзлыг хангасан тус улсад байнга оршин суугаа гадаадын иргэн, харьяалалгүй хүн.
- Нэрийн данс нээлгэхэд ямар баримт, бичиг бүрдүүлэх вэ?
Ш Хөдөлмөрийн дэвтэр;
Ш Нийгмийн даатгалын дэвтэр;
Ш Иргэний үнэмлэх зэргийг бүрдүүлсэн байна.
- Даатгуулагчийн нэрийн дансыг хаана нээх вэ?
Даатгуулагчийн нэрийн дансыг нийгмийн даатгалын байгууллага (байцаагч) нээнэ
- Нэрийн дансыг ямар журмаар нээх вэ?
Ш Аж ахуйн нэгж, байгууллагад хөдөлмөрийн гэрээгээр ажиллаж байгаа заавал даатгуулагч ажиллаж байгаа байгууллагаараа дамжуулан нэрийн дансаа нээлгүүлнэ.
Ш Сайн дурын даатгуулагч өөрийн биеэр нийгмийн даатгалын байгууллага (байцаагч) дээр очиж нэрийн дансаа нээлгүүлнэ.
Ш Нэрийн дансыг даатгуулагчийн регистрийн дугаараар нээнэ.
- Нэрийн дансны эхний үлдэгдлийг хэрхэн тооцдог бэ?
Даатгуулагчийн 1999 оны 12 дугаар сарын 31-ний өдрийг хүртэл нийт ажилласан хугацаанд төлсөн шимтгэлийг эхний үлдэгдэл болгон бүртгэдэг. Нэрийн дансны эхний үлдэгдлийг сард төлвөл зохих шимтгэлийн хэмжээг нэрийн данс нээлгэх буюу 1999 оны 12 дугаар сарын 31-ний өдөр хүртэл хугацаанд ажилласан нийт сараар үржүүлэн тооцож байна.
- Нэрийн дансны хуримтлал гэж юу вэ?
Даатгуулагчийн нэрийн дансны эхний үлдэгдэл болон тухайн жилд нэрийн дансанд төлсөн шимтгэл, нэрийн дансны эхний үлдэгдэл болон орлогод тооцсон хүүгийн нийлбэрийг нэрийн дансны хуримтлал гэж ойлгоно
Өмнөх хуудас
1
