- Ажилгүйдлийн тэтгэмж гэж юу вэ?
Даатгуулагч ажилгүй болох үед ажилгүйдлийн даатгалын сангаас олгох мөнгөн тусламж юм.
- Ажилгүйдлийн тэтгэмжийг ажилгүй хүн бүр авах уу?
Ажилгүй хүн бүр авахгүй. Ажилгүйдлийн даатгалын шимтгэлийг ажилгүй болохоос өмнө 24 сарын хугацаанд, үүнээс сүүлийн 9 сард нь тасралтгүй төлсөн даатгуулагч авах эрхтэй.
- Ажилгүйдлийн тэтгэмжийг хэдийнээс эхэлж өгдөг болсон бэ?
Ажилгүйдлийн тэтгэмж нь Олон улсын Хөдөлмөрийн конвенцийн заалтад нийцүүлэн Монгол улсад 1995 оноос хойш бий болсон даатгалын шинэ төрөл юм. Ажилгүйдлийн даатгалын сангаас 1997 оны 1 дүгээр сарын 1-ний өдрөөс ажилгүйдлийн тэтгэмж олгож эхэлсэн.
- Ажилгүйдлийн тэтгэмжийг хаанаас авах вэ?
Ажилгүйдлийн тэтгэмжийг оршин суугаа газрынхаа харьяа хөдөлмөр эрхлэлтийн алба (ажилтан)-наас авна.
- Ажилгүйдлийн тэтгэмж авахын тулд даатгуулагч ямар бэлтгэл хийх шаардлагатай вэ?
-Ажилгүй болсон даатгуулагч ажлаас халагдсаны дараа 14 хоногийн дотор хөдөлмөр эрхлэлтийн алба (ажилтан)-нд холбогдох баримт, бичгийн хамт бүртгүүлнэ.
- Ямар баримт, бичиг бүрдүүлэх вэ?
Дараах бичиг, баримтыг бүрдүүлнэ. Үүнд:
Ш Хөдөлмөр эрхлэлтийн алба (ажилтан)-ны маягтын дагуу гаргасан өргөдөл;
Ш Баталгаажсан нийгмийн даатгалын дэвтэр (сар бүрийн шимтгэл төлөлтийг нийгмийн даатгалын улсын байцаагчаар баталгаажуулсан, ажилд авсан болон халагдсан тушаал бичигдсэн, тамга тэмдгээр баталгаажсан, шилжилт хөдөлгөөн хийгдсэн);
Ш Ажлаас халсан тухай шийдвэр зэргийг бүрдүүлнэ.
Өмнөх хуудас
1
