- Тэтгэврйин даатгалын сангаас хэдэн төрлийн тэтгэвэр олгодог вэ?
-Өндөр насны, тахир дутуугийн, тэжээгчээ алдсаны гэсэн гурван төрлийн тэтгэвэр олгоно.
- Тэтгэвэр гэж юу вэ?
Тэтгэвэр нь даатгуулагчийг өндөр наслахад насан туршид нь, тахир дутуу болоход хөдөлмөрийн чадвар нь сэргээгдэх хүртэл эсвэл өндөр насны тэтгэвэр авах насанд хүрэх хүртэл өөрт нь, нас барахад нь түүний гэр бүлийн хөдөлмөрийн чадваргүй гишүүдэд нь амьдрах эх үүсвэрээр хангах зорилгоор нийгмийн даатгалын сангаас сар бүр тогтмол олгох мөнгөн хангамж юм.
- Өндөр насны тэтгэврийг ямар болзол, нөхцөлийг хангасан даатгуулагч тогтоолгох вэ?
Өндөр насны тэтгэврийг дараах нөхцөлийг хангасан тохиолдолд тогтоолгож болно. Үүнд:
-Тэтгэвэр тогтоолгох нас (эрэгтэй 60 нас, эмэгтэй 55 нас)-нд хүрсэн байх;-
-Шимтгэл төлж ажилласан хугацаа (20-иос доошгүй жил)-г хангасан байх;-
-Ажлаас чөлөөлөгдөж, хөдөлмөрийн гэрээ дуусгавар болсон байх;
- Хэдэн жил ажилласан нөхцөлд өндөр насны тэтгэвэр авах эрх үүсэх вэ?
Тэтгэврийн даатгалын шимтгэлийг 20-иос доошгүй жил төлсөн 60 нас хүрсэн эрэгтэй, 55 нас хүрсэн даатгуулагч эмэгтэй өндөр насны тэтгэвэр тогтоолгон авч болно.
- Олон хүүхэд төрүүлж өсгөсөн эмэгтэй хэдэн настай тэтгэвэр тогтоолгож болох вэ?
Төрүүлсэн болон 3 хүртэл настайд нь үрчлэн авсан дөрөв ба түүнээс дээш хүүхдээ 6 нас хүртэл нь өсгөсөн, тэтгэврийн даатгалын шимтгэлийг 20-иос доошгүй жил төлсөн даатгуулагч эх 50 нас хүрээд өндөр насны тэтгэвэр тогтоолгож болно.
- Төрүүлж өсгөсөн 2, үрчлэн авч өсгөсөн 2 хүүхэдтэй 20 жил ажилласан эх 50 нас хүрээд тэтгэврээ тогтоолгон авч болох уу ?
Болно. 3 хүртэл настайд нь үрчлэн авч 6 нас хүртэл нь өсгөсөн 2 хүүхдийг тухайн эхийн өндөр насны тэтгэвэр тогтоолгох хүүхдийн тоонд оруулна.
Өмнөх хуудас
1
