- Иргэний эрүүл мэндийн даатгал гэж юу вэ ?
Иргэний эрүүл мэндийн даатгал нь төр, иргэн, хуулийн этгээдээс хуульд заасан журмын дагуу даатгалын шимтгэл төлж, даатгалын санг бүрдүүлэх, даатгуулагчийн амбулаторийн болон хэвтэн эмчлүүлэх тусламж үйлчилгээний зардлын төлбөрийг уг сангаас төлөх нийгэм эдийн засгийн арга хэмжээ гэж ойлгоно.
- Даатгуулагч гэж ямар хүнийг хэлэх вэ?
“Даатгуулагч” гэж хууль болон гэрээний үндсэн дээр даатгагчид шимтгэл тогтмол төлж эрүүл мэндээ хамгаалах, учирч болох эрсдлийн зардлыг нөхөн төлүүлэхээр даатгуулсан иргэний хэлнэ.
- Монгол улсын иргэн Эрүүл мэндийн даатгалд ямар хэлбэрээр даатгуулах ёстой вэ?
“Иргэний эрүүл мэндийн даатгал тухай” хуулинд заасны дагуу Монгол улсын иргэн бүр эрүүл мэндийн даатгалд заавал даатгуулна. Иймээс иргэн та даатгалын шимтгэлээ сар бүр буюу жил бүр тасралтгүй төлөх үүрэгтэй.
- Эрүүл мэндийн даатгалд заавал даатгуулах иргэдийг ямар бүлэгт хувааж үздэг вэ.?
Ш Аж ахуйн нэгж, байгууллагын ажилтан
Ш Аж ахуйн нэгжийн эзэн, хувиараа хөдөлмөр эрхлэгч иргэн
Ш 16 нас (ерөнхий боловсролын сургуульд суралцаж байгаа бол 18 нас) хүртэлх насны хүүхэд
Ш Их ,дээд сургууль, коллеж, мэргэжлийн сургалт, үйлдвэрлэлийн төвийн өдрийн ангийн суралцагч
Ш Тэтгэврээс өөр мөнгөн орлогогүй иргэн
Ш Хүүхдээ 2 (ихэр бол 3) нас хүртэл нь өсгөн бойжуулж байгаа эх ( эцэг)
Ш Хугацаат цэргийн жинхэнэ албан хаагч
Ш Малчин
Ш Нийгмийн халамжийн тухай хуулийн 12 дугаар зүйлд заасан иргэн
Ш Ял эдэлж байгаа хоригдол
Ш Дээрхи бүлэг даатгуулагчдаас бусад иргэн
- Ямар иргэд эрүүл мэндийн даатгалд сайн дураар даатгуулах вэ?
Гадаадын иргэн, харьяалалгүй хүн эрүүл мэндийн даатгалд сайн дураар даатгуулна. Сайн дурын даатгалд хамрагдсан иргэн оршин суугаа аймаг, дүүргийн нийгмийн даатгалын байгууллагатай гэрээ байгуулж даатгалын шимтгэлээ төлнө. Хэрэв гадаадын иргэн харъяалалгүй хүн манай улсын аль нэг байгууллагад ажилладаг бол тэдгээрийн цалин хөлс, түүнтэй адилтгах орлогоос манай иргэдийн шимтгэл төлдөг хувиар төлнө.
- Аж ахуйн нэгж, байгууллагад ажиллаж буй ажилчин сард хэдэн төгрөгийн шимтгэл төлөх вэ?
Ш Аж ахуйн нэгж, байгууллагад ажилладаг ажилтны төлөх шимтгэлийн хэмжээг сарын хөдөлмөрийн хөлс түүнтэй адилтгах орлогын 6 хувиас хэтрүүлэхгүйгээр жил бүр Засгийн газар тогтооно.
Ш Аж ахуйн нэгж, байгууллагын ажилтны төлөх даатгалын шимтгэлийн 50 хувиас доошгүй хувийг түүнийг ажиллуулж байгаа аж ахуйн нэгж, байгууллага нь үлдэх хэсгийг даатгуулагч өөрөө төлнө.
Ш Харин ажилтныхаа нийгмийн асуудлыг хөнгөвчлөх үүднээс нийт ажилтны буюу амьдралын бололцоо муутай зарим хүмүүсийн даатгалын шимтгэлийг бүрэн хариуцаж болно.
Ш Төрийн албаны болон төсөвт байгууллагын ажилтны эрүүл мэндийн даатгалын хураамжийн 80 хувийг тухайн байгууллагын төсвөөс гаргана.
Өмнөх хуудас
1
