Нийгмийн Даатгалын Ерөнхий Газрын vйл ажиллагааны эрхэм зорилго :
Нийгмийн даатгалын ерөнхий газрын эрхэм зорилго нь  иргэд, даатгуулагчдад хөнгөн шуурхай мэргэжлийн үйлчилгээ үзүүлэх, нийгмийн даатгалын хүрээг өргөтгөх замаар тэдний тэтгэвэр, тэтгэмж авах, хуульд заасан бусад эрхээ бүрэн эдлэх таатай  нөхцөлийг бүрдүүлэхэд оршино.


Нийгмийн даатгалын байгууллагын стратеги зорилт:
Стратегийн зорилт 1: Нийгмийн даатгалын тухай хууль тогтоомжийн биелэлтийг хангуулах, хууль тогтоомжийг боловсронгуй болгох, Нийгмийн даатгалын сангийн бие даасан байдлыг бэхжүүлэх, сангийн тодорхой хэсгийг хөрөнгийн зах зээлд оруулж менежмент хийх, эрсдэлийн менежментийг нэвтрүүлэх, нийгмийн даатгалын  хамрах хүрээг өргөтгөх, шимтгэлийн авлагыг барагдуулах;
Стратегийн зорилт 2: Ажил олгогч, даатгуулагчидтай хамтран ажиллаж, тэдний эрх ашгийг хамгаалах, нийгмийн даатгалын үйлчилгээг үйлчлүүлэгч төвтэй, нээлттэй,  иж бүрэн түншлэлийн харилцаанд шилжүүлэх чиглэлээр боловсронгуй болгох;
Стратегийн зорилт 3: Нийгмийн даатгалын  салбарт мэдээллийн технологийн  ололтод тулгуурласан  сургалт-хүний нөөц, удирдлагын мэдээллийн болон инновацын шинэ тогтолцоог  бүрдүүлэх замаар түүний өрсөлдөх чадварыг дээшлүүлэх;
Стратегийн зорилт 4: Тэтгэврийн шинэчлэлийг гүнзгийрүүлэх, тэтгэврийн даатгалын шимтгэлийн нэрийн дансны тухай хуулийн хэрэгжилтийг хангуулах, мэдээллийн тогтолцоог сайжруулах;
Стратегийн зорилт 5: Нийгмийн даатгалын байгууллагын гадаад, дотоод харилцааг өргөжүүлэх, маркетинг, эрсдэлийн удирдлагад мэдээллийн технологийн дэвшлийг ашиглах замаар салбарын хөгжлийн ирээдүйн чиг хандлагыг тодорхойлох;

Нийгмийн даатгалын байгууллагын vйл ажиллагааны чиг vvрэг :

• Нийгмийн болон эрvvл мэндийн даатгалын хууль тогтоомж , тэтгэврийн даатгалын шимтгэлийн нэрийн дансны тухай хуулийн биелэлтийг зохион байгуулах
• Нийгмийн даатгалын хамрах хvрээг өргөжvvлэх , санг бvрдvvлж орлого , зарлагын гvйцэтгэлийг хангах
• Орон нутгийн байгууллагын vйл ажиллагаанд хяналт тавьж , мэргэжил арга зvйн удирдлагаар хангах
• Иргэдийн нийгмийн хамгааллын талаар төрөөс хэрэгжvvлж буй бодлого , нийгмийн даатгалын vйл ажиллагааг олон нийтэд зөв ойлгуулан сурталчилах
• Нийгмийн даатгалын тогтолцоо , vйл ажиллагаа тvvний арга хэлбэрийг боловсронгуй болгох
• Нийгмийн даатгалын сангаас тухайн төрлийн тэтгэвэр тэтгэмжийг цаг тухайд нь олгох ажлыг зохион байгуулж , vйлчилгээг сайжруулах
• Эрдэм шинжилгээ , боловсрол , хэвлэл мэдээллийн байгууллагуудтай хамтран буюу дангааараа нийгмийн даатгалын хууль тогтоомжийг сурталчилах , таниулах , иргэдийг нийгмийн даатгалын талаар зохих мэдлэгтэй болгох арга хэмжээ авах...

Нийгмийн даатгалын байгууллагын гадаад харилцаа
Хөрш зэргэлдээ болон бусад орнуудтай / Хятад , Япон , Солонгос гэх мэт / байнгын харилцаа холбоо тогтоон , харилцан туршлага судлах , хамтран ажиллах , мэдээлэл солилцох, салбарын хvрээний ажилтан албан хаагчдын мэдлэг чадварыг дээшлvvлэхэд оршино.

НИЙГМИЙН ДААТГАЛЫН ЕРӨНХИЙ ГАЗРЫН УДИРДЛАГА ЗОХИОН БАЙГУУЛАЛТЫН НЭГЖ

Хэлтэс болон албадуудын дэлгэрэнгvй мэдээллийг хvснэгтнээс (тухайн нэрэн дээр нь дарж) сонгож vзнэ vv?