Үндсэн цэс
Орон нутаг
НИЙГМИЙН ДААТГАЛЫН ҮЙЛЧИЛГЭЭ
Асуулт хариулт
Асуулт:
Нийгмийн даатгалд заавал даатгуулах ёстой
Хариулт:
-Гэрээт ажлын хөлснөөс нийгмийн даатгалын шимтгэл төлөх ёстой юу? -Монгол улсын Нийгмийн даатгалын тухай хуулийн 4 зүйлийн 4.2.1-д өмчийн бүх хэвшли...
Санал асуулга

Эрүүл мэндийн даатгалын гэрээ бүхий хувийн хэвшлийн эмнэлэг, сувилал, эмийн сангийн удирдлагууд, хөрөнгө оруулагчидтай уулзалт зохион байгууллаа

Эрүүл мэндийн даатгалын гэрээ бүхий хувийн хэвшлийн эмнэлэг, сувилал, эмийн сангийн удирдлагууд, хөрөнгө оруулагчидтай уулзалт зохион байгууллаа

Нийгмийн даатгалын ерөнхий газрын удирдлагууд хамтран ажилладаг даатгалын гэрээ бүхий нийслэлийн хувийн хэвшлийн эмнэлэг, сувилал, эмийн сангуудын удирдлагууд, хөрөнгө оруулагчидтай уулзалт зохион байгуулж, хамтын ажиллагаа, эрүүл мэндийн даатгалын гэрээний хэрэгжилт, төлбөр тооцооны талаар гарч буй хүндрэлтэй асуудлуудын талаар тэдний санал, хүсэлтийг сонсч,  шийдвэрлэх арга замын талаар хамтран ярилцах, эрүүл мэндийн даатгалын урт хугацааны стратегийн зорилтууд, Иргэний эрүүл мэндийн даатгалын тухай хуулийн шинэчилсэн найруулгын төслийн  талаар мэдээлэл өглөө. Уулзалтад даатгалын гэрээ бүхий нийслэлийн хувийн хэвшлийн эмнэлэг, рашаан сувилал, эмийн сангийн удирдлагуудын төлөөлөл 100 орчим хүн оролцлоо.

 Эрүүл мэндийн даатгалын гэрээний хэрэгжилтийг хангах, гэрээлэх үйл явц, гэрээ дүгнэх журам, шалгуур үзүүлэлтүүд, даатгалын тусламж, үйлчилгээний чанарыг сайжруулах, төлбөр тооцоог боловсронгуй болгох чиглэлээр хамтран ажиллах, талаар харилцан санал солилцож, эрүүл мэндийн даатгалын стратегийн зорилтууд, шинэчлэлийн асуудлууд, Иргэний эрүүл мэндийн даатгалын тухай хуулийн шинэчилсэн найруулгын төсөл, ГОУХАН-ийн “Монгол Улсын эрүүл мэндийн даатгалын тогтолцоог бэхжүүлэх төсөл”-ийн үр дүнгийн талаар уулзалтад  оролцогчдод мэдээлэл өглөө.

Уулзалтад оролцогчдыг төлөөлж “Ачтан” эмнэлгийн  захирал Ц.Мухар, “Шаргалжуут” рашаан сувиллын захирал н.Чулуунцэцэг, “Тун-Эрдэнэ” эмийн сангийн менежер н.Бямбадолгор  нар үг хэлж, оролцогчдоос 25 хүн тавьсан асуултдаа хариулт авлаа. Уулзалтад оролцогч эрүүл мэндийн байгууллагуудын саналыг ерөнхийд нь багцалвал:

  1. - Эмийн үнийн хөнгөлөлтийн зардлын төсөв хүрэлцэхгүй байгаа;
  2. - Хувийн хэвшлийн эмнэлгүүдийн оношлогоо, шинжилгээний тусламж, үйлчилгээг эрүүл мэндийн даатгалд хамруулах, улсын эмнэлгүүдтэй адил хэмжээгээр даатгалаас төлбөр төлүүлэх;
  3. - Рашаан, сувиллын даатгалаас санхүүжих орноос давсан тусламж, үйлчилгээний зардлыг эрүүл мэндийн даатгалын сангаас олгох;
  4. - Хувийн хэвшлийн эмнэлэг, эмийн сангуудад даатгуулагчийн мэдээллийг харах нөхцөлөөр хангах.

Уулзалтын үеэр Нийгмийн даатгалын алба үүсч хөгжсөний 70 жилийн ойг тохиолдуулан Нийгмийн даатгалын ерөнхий газрын даргын шийдвэрээр “Ачтан” эмнэлгийн дарга Ц.Мухар, “Буянт оношлогоо” эмнэлгийн эмч Д.Сэржээ, “Арцат фарм” эмийн сангийн эрхлэгч Ж.Нина,  “Мөнхжил” эмийн сангийн эрхлэгч Д.Намжилсүрэн, “Номун” эмнэлгийн дарга н.Жанчив, “Аржанчивлин” сувиллын дарга  Д.Баатар, ЭХЭМҮТ-ийн дарга Ш.Энхтөр нарыг “Нийгмийн даатгалын 70 жилийн ойн хүндэт тэмдгээр” шагналаа.

Ийнхүү уулзалтад оролцогчдоос гарсан санал, хүсэлтийг судлан үзэх, цаашид харилцагчдыг мэдээллээр хангах уулзалтыг тогтмолжуулах талаар Нийгмийн даатгалын ерөнхий газрын дарга Ц.Уртнасан үг хэлж уулзалтын үйл ажиллагаа өндөрлөсөн юм.

Нийгмийн даатгалын ерөнхий газраас уулзалтын үеэр гарсан санал, хүсэлтийн хүрээнд хувийн хэвшлийн эмнэлэг,  эмийн сангууд даатгуулагчийн мэдээллийг www.ndaatgal.mn сайтруу орж харах нөхцлийг шуурхай бүрдүүлж, хэрэгжүүлж  эхэллээ.

Сэтгэгдэл
Видео мэдээ
Нэвтрэх
Нэвтрэх нэр:
Нууц үг: